കരിപ്പൂർ വിമാനത്താവളത്തിന് പുറത്ത് വീണ്ടും പോലീസിന്റെ സ്വർണ്ണവേട്ട. ഒരുകിലോ സ്വർണ്ണ മിശ്രിതവുമായി മൂന്നുപേർ പിടിയിലായി. ദുബായിൽ നിന്നും സ്വർണ്ണം കടത്തിയ വാഴക്കാട് സ്വദേശി മുഹമ്മദ് റമീസ്. സ്വർണ്ണം സ്വീകരിക്കാനെത്തിയ മുഹമ്മദ് മുസ്തഫ, കുന്നമംഗലം സ്വദേശി സൈനുദീൻ എന്നിവരാണ് അറസ്റ്റിലായത്.

വിമാനത്താവളത്തിന് ഉള്ളിലെ പരിശോധനളെ കബളിപ്പിച്ച് പുറത്തെത്തിച്ച സ്വർണ്ണമാണ് പോലീസ് പിടികൂടിയത്. ജില്ലാ പോലീസ് മേധാവിക്ക് ലഭിച്ച രഹസ്യവിവരത്തെ തുടർന്ന് കരിപ്പൂർ പോലീസ് നടത്തിയ പരിശോധനയിലാണ് മൂന്നംഗസംഘം പിടിയിലായത്. കരിപ്പൂർ വിമാനത്താവളത്തിന് പുറത്ത് ഇത് നാലാം തവണയാണ് പോലീസ് പരിശോധനയിൽ സ്വർണ്ണം പിടിച്ചെടുക്കുന്നത്