വിദ്വേഷ പ്രസം​ഗത്തിന്റെ പേരിൽ പി സി ജോർജിനെ അറസ്റ്റ് ചെയ്ത പൊലീസ്. ഫോർട്ട് പൊലീസ് സ്റ്റേഷൻ എസ് പിയുടെ നേത്വത്തിലാണ് കസ്റ്റഡിയിൽ എടുത്തത്. ഈരാറ്റുപേട്ടയിലെ അദ്ദേഹത്തിന്റെ വീട്ടിൽ പുലർച്ചെയാണ് എത്തി കസ്റ്റഡിയിലെടുത്തത്. ഹിന്ദു മുസ്ലീം വൈരം ഉണ്ടാക്കുന്ന രീതിയിലും മതസ്പര്‍ധ വളര്‍ത്തുന്ന രീതിയിലും പ്രകോപനപരമായി പ്രസംഗിച്ചതിനാണ് കേസെന്ന് എഫ്ഐആറില്‍ പറയുന്നു.

ഇദ്ദേഹത്തിന്റെ പ്രസംഗത്തിനെതിരെ നിരവധിപേരാണ് രംഗത്ത് എത്തിയിരിക്കുന്നത്. ഇപ്പോഴിതാ ഇതിൽ മാധ്യമപ്രവർത്തകൻ ഐപ്പ് വള്ളിക്കാടന്റെ കുറിപ്പ് ശ്രദ്ധേയമാകുകയാണ്.

ഫേസ്ബുക്ക് കുറിപ്പ് ഇങ്ങനെ;

തെറിയുടെ ഹോൾസെയിൽ ഡീലറാണ് പൂഞ്ഞാറ്റിലെ പി.സി. ജോർജ്ജ്. നല്ല നോമ്പ് കാലത്ത് തന്നെയാണ് മുസ്ലീമുകൾക്കെതിരെ വിദ്വേഷത്തിന്റെ വിഷം തുപ്പിയ പ്രസംഗം ഹിന്ദു മഹാസമ്മേളന വേദിയിൽ പി.സി.ഛർദിച്ചത്. നാട്ടുകാർക്ക് നല്ലതുപോലെ ഈ തൊലിക്കട്ടി മനസ്സിലായതുകൊണ്ടാണ് ഇയാളൊരു പൂഞ്ഞാറ്റിയായയതും തിരഞ്ഞെടുപ്പിൽ തോറ്റു തുന്നംപാടിയതും.

ഇനി മുസ്ലീമുകളുടെ ഇഷ്ടം പിടിച്ചുപറ്റാനാണ് ഈ പോസ്റ്റെന്ന് കമന്റിടാൻ വെമ്പുന്നവരോട് നല്ല നമസ്കാരം.ജീവിതത്തിൽ എവിടെയെങ്കിലും ഒരു ഇസ്ലാം മത വിശ്വാസിയുടെ സ്നേഹവും കരുതലും അനുഭവിക്കാത്തവരായി ഒരു അമുസ്ലീമും ഉണ്ടെന്ന് ഞാൻ വിശ്വസിക്കുന്നില്ല. അതാണ് നമ്മുടെ സംസ്കാരം,അവരുടെയും.

എന്നെ ഐപ്പേന്ന് വിളിച്ച് എത്രയോ കൂട്ടുകാരുടെ ഉമ്മച്ചിമാരാണ് ഊട്ടിയിട്ടുള്ളത്.സുഹൃത്തുക്കളുടെ പട്ടികയിൽ സ്വജാതിയിലേറെ മുസ്ലീം- ഹിന്ദുക്കളാണ് കട്ടക്ക് കൂടെയുള്ളത്.അവരുടെ പാനീയവും ശമ്പളവും കിട്ടിയിരുന്ന കാലത്താണ് ദുബായിൽ വെച്ച് ഞങ്ങളുടെ റോച്ചമ്മ ജനിച്ചതും.

പി.സി.ജോർജ്ജുമാരൊക്കെ അഴുക്കാണ്,മനുഷ്യന്റെ മണമില്ലാത്ത അവന്റെ ഗുണവും നൻമയുമില്ലാത്ത ചെളിക്കുണ്ട്.അവിടെ നിന്നാൽ ദുർഗന്ധവും അഴുക്കും പറ്റി നമ്മളും ചീഞ്ഞ് നാറും. പി.സി.( പര. ചെ..) ആണെന്ന് നിങ്ങളും ഞാനും മനസ്സിലാക്കി. ലുലു മാളിലെ എത്ര അത്തറടിച്ചാലും,പൂഞ്ഞാറ്റിലെ പള്ളിയിലെ ആനാം വെള്ളം തളിച്ചാലും ഈ ദുർഗന്ധം പോകില്ല. കസ്റ്റഡിയിലെടുത്ത പി.സി.യെ ചുമ്മാതങ്ങ് വിടല്ലേ പോലീസ് ഏമാൻമാരെ...
#iypevallikadan #PCGeorge