ലോൺ വാഗ്ദാനം ചെയ്ത് ലക്ഷങ്ങളുടെ തട്ടിപ്പ് നടത്തിയതായി റിപ്പോർട്ട്. ആലപ്പുഴ ചേർത്തലയിലാണ് സംഭവം. ഇത്തരത്തിൽ തട്ടിപ്പുകാർക്കെതിരെ നിരവധി പരാതികൾ നൽകിയെങ്കിലും നീതി ലഭിച്ചില്ലെന്ന് പണം നഷ്ടമായവർ പറയുകയുണ്ടായി. വിവിധ ബാങ്കുകളുടെ ചെക്ക് നൽകിയാണ് തട്ടിപ്പ് നടത്തിയിരിക്കുന്നത്.

അതോടൊപ്പം തന്നെ 50000 തന്നാൽ അഞ്ചുലക്ഷമാണ് ലോൺ വാഗ്ദാനം നൽകിയത്. അതും 21 ദിവസത്തിനുള്ളിലാണ് ഉള്ളത്. എന്നാൽ ചെക്കുമായി ബാങ്കിൽ എത്തുമ്പോഴാണ് തട്ടിപ്പ് ഇവർക്ക് മനസിലാകുന്നത്. ചേർത്തലയിൽ മാത്രം അൻപത്തിലധികം പേരാണ് ഈ തട്ടിപ്പിന് ഇരയായത്.

വില്യംസ് എന്ന് പേരുള്ളയാളാണ് തട്ടിപ്പിന് പിന്നിൽ എന്ന് പരാതിക്കാർ പറയുന്നു. ഇയാളുടെ നിർദേശ പ്രകാരം ഒരു സർക്കാർ ജീവനക്കാരനും ഭാര്യയുമാണ് ആളുകളെ സമീപിച്ചു പണം ആവശ്യപ്പെട്ടിരിക്കുന്നത്.

ഈ തട്ടിപ്പിൽ 25000 10ലക്ഷംവരെ നഷ്ടമായവർ ഇക്കൂട്ടത്തിൽ ഉണ്ട്. മുഖ്യമന്ത്രി, ഡിജിപി, ആലപ്പുഴ എസ്. പി ഉൾപ്പടെയുള്ളവർക്ക് ഇരുപത്തിയഞ്ചോളം പരാതികൾ നൽകിയെങ്കിലും ഒരു കേസ് മാത്രമാണ് രജിസ്റ്റർ ചെയ്തിരുന്നുള്ളു. ഇതേതുടർന്ന് പോലീസും തട്ടിപ്പുകാരും ഒത്തുകളിക്കുന്നതായും ആക്ഷേപം ഉയരുന്നുണ്ട്.