സ്കൂട്ടര് ഡിവൈഡറിലിടിച്ച് അപകടം, സ്കൂട്ടറില് നിന്നു തെറിച്ചു വീണ് തലയ്ക്ക് ഗുരുതരമായി പരിക്കേറ്റ യുവതിക്ക് ദാരുണാന്ത്യം
01 MAY 2022 04:16 PM IST
മലയാളി വാര്ത്ത
പേരൂര്ക്കടയിൽ സ്കൂട്ടര് ഡിവൈഡറിലിടിച്ച് യുവതിക്ക് ദാരുണാന്ത്യം. പേരൂര്ക്കട-അമ്പലമുക്ക് റോഡില് തങ്കമ്മ സ്റ്റേഡിയത്തിനു മുന്നിലായിരുന്നു അപകടം. വട്ടിയൂര്ക്കാവ് നേതാജി റോഡ് എന്.ആര്.ആര്.എ.-ഡി-1-ല് നന്ദ അനീഷ് (25) ആണ് മരിച്ചത്.ശനിയാഴ്ച രാവിലെ ഒമ്പത് മണിയോടെയായിരുന്നു സംഭവം. അമ്പലമുക്ക് ഭാഗത്തേക്കു പോകവേയാണ് നന്ദ ഓടിച്ചിരുന്ന സ്കൂട്ടര് ഡിവൈഡറിലിടിച്ച് അപകടത്തില്പ്പെട്ടത്.
ഇടിയുടെ ആഘാതത്തില്, സ്കൂട്ടറില് നിന്നു തെറിച്ചു വീണ് തലയ്ക്കു ഗുരുതരമായി പരിക്കേറ്റിരുന്നു. ഉടന് തന്നെ മെഡിക്കല് കോളേജ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംസ്കാരം ശനിയാഴ്ച വൈകീട്ട് ശാന്തികവാടത്തില് നടന്നു. ഭര്ത്താവ്: കെ.അനീഷ് കുമാര്. മകള്: തനുശ്രീ.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
