വസ്തുതകളുടെ ഒരു നേർത്ത കണിക പോലുമില്ലാത്ത, വിദ്വേഷവും വെറുപ്പും കുത്തി നിറച്ച ഒരു വർഗ്ഗീയ പ്രസംഗത്തിന് പിന്തുണയുമായി പോലീസ് ക്യാമ്പിന് മുന്നിൽ വന്ന് വിഭാഗീയ അജണ്ടകൾക്ക് ഐക്യദാർഢ്യം പ്രഖ്യാപിക്കുന്ന വി മുരളീധരന്റെ 'വിഭജനദാഹം' ബിജെപിക്ക് നിരക്കുന്നതാണെങ്കിലും കേന്ദ്രമന്ത്രി പദവിക്ക് നിരക്കുന്നതല്ല; ആ പദവിക്കതൊരു അപമാനമാണ്; കേന്ദ്ര മന്ത്രി വി മുരളീധരനെ വിമർശിച്ച് ഷാഫി പറമ്പിൽ എം എൽ എ
കേന്ദ്ര മന്ത്രി വി മുരളീധരനെ വിമർശിച്ച് ഷാഫി പറമ്പിൽ എം എൽ എ. അദ്ദേഹത്തിന്റെ വാക്കുകൾ ഇങ്ങനെ; വസ്തുതകളുടെ ഒരു നേർത്ത കണിക പോലുമില്ലാത്ത, വിദ്വേഷവും വെറുപ്പും കുത്തി നിറച്ച ഒരു വർഗ്ഗീയ പ്രസംഗത്തിന് പിന്തുണയുമായി പോലീസ് ക്യാമ്പിന് മുന്നിൽ വന്ന് വിഭാഗീയ അജണ്ടകൾക്ക് ഐക്യദാർഢ്യം പ്രഖ്യാപിക്കുന്ന വി മുരളീധരന്റെ 'വിഭജനദാഹം' ബിജെപിക്ക് നിരക്കുന്നതാണെങ്കിലും കേന്ദ്രമന്ത്രി പദവിക്ക് നിരക്കുന്നതല്ല.
ആ പദവിക്കതൊരു അപമാനമാണ്.തമ്മിലടിപ്പിക്കൽ ശ്വാസവായുവും തൊഴിലുമാക്കിയ പി സി ജോർജ്ജിനെ കേസെടുത്ത് ജയിലിലിടാൻ പോലീസ് തയ്യാറാകണം. സാംക്രമിക രോഗമായി പടരാൻ ആഗ്രഹിക്കുന്ന വർഗ്ഗീയതയുടെ സഹവാസിയാണ് പി സി ജോർജ്ജ് എന്നാണ് അദ്ദേഹം പറഞ്ഞ് അവസാനിപ്പിക്കുന്നത്.
അതേസമയം കേന്ദ്ര മന്ത്രി വി മുരളീധരൻ പറഞ്ഞത് ഇങ്ങനെയാണ്; കേരളത്തിലെ ഇരട്ടനീതി പറയാതെ വയ്യ..... ഭീകരവാദികളോടില്ലാത്ത സമീപനം പി.സി ജോർജിനോടെന്തിന്? കുഞ്ഞാലിക്കുട്ടിക്ക് പ്രതികരിക്കാമെങ്കിൽ വി.മുരളീധരനും ആകാം..... പി.സി ജോർജ് തീവ്രവാദിയല്ല....
രാജ്യദ്രോഹ മുദ്രാവാക്യം വിളിക്കാൻ അനുവദിക്കണമെന്ന് ആവശ്യപ്പെടുന്ന സിപിഎം, പിസി ജോർജിനെ ഇത്ര തിടുക്കത്തിൽ അറസ്റ്റ് ചെയ്തത് എന്തിന് ? മനുഷ്യനെ അരിഞ്ഞു തള്ളുന്ന തീവ്രവാദികൾക്ക് ഒളിക്കാൻ കേരളത്തിൽ അവസരമുണ്ടല്ലോ....? ജോർജിനെ കാണാൻ കേരള പോലീസ് അവസരം നിഷേധിച്ചപ്പോൾ മാധ്യമങ്ങളോട് പറഞ്ഞത്.....
https://www.facebook.com/Malayalivartha