അമ്മയുടെ ആഭ്യന്തര പരാതി സെല്ലിൽ നിന്നും രാജി വച്ച നടി മാല പാര്‍വതി ബാബുരാജിന് നന്ദി പറഞ്ഞ് രംഗത്ത് വന്നിരിക്കുകയാണ്. അമ്മ എക്‌സിക്യൂട്ടീവ് അംഗവും നടനുമായ ബാബുരാജിന് മാല പാര്‍വതി നന്ദി പറയാൻ കാരണം ഇതാണ് . അമ്മ വൈസ് പ്രസിഡന്റ് മണിയന്‍പിള്ള രാജുവിന്റെ വിവാദ പ്രസ്താവനയെ ബാബുരാജ് തള്ളിയിരുന്നു.

മാത്രമല്ല മാല പാര്‍വതിയുടെ രാജിയെ അവർ പിന്തുണച്ചിരുന്നു. ഈയൊരു സാഹചര്യത്തിലാണ് ബാബുരാജിന് പിന്തുണ അറിയിച്ച് മാല പാർവതി രംഗത്ത് വന്നത്. ‘ഇത് അപൂര്‍വവും അസാധാരണവുമാണ് എന്നാണ് അവർ പറഞ്ഞത്. വിവാദങ്ങള്‍ നേരിടുകയും ട്രോള്‍ ചെയ്യപ്പെടുകയും ചെയ്യുന്നവരുടെ കൂടെ സാധാരണ ആളുകള്‍ ആരും നില്‍ക്കാറില്ല.

നന്ദി ബാബുരാജ് എന്നാണ് മാല പാര്‍വതി പറഞ്ഞത്. അമ്മയിലെ വനിതകള്‍ പാവകളല്ലെന്ന പ്രസ്താവന ബാബുരാജ് നടത്തിയിരുന്നു. ഈ പ്രസ്താവനയുടെ വാര്‍ത്ത പങ്കുവച്ചുകൊണ്ടായിരുന്നു മാലാ പാര്‍വതി ഈ പോസ്റ്റ് കുറിച്ചത്. മാല പാർവതി രാജിവച്ചിരുന്നു.

വിജയ് ബാബു ഇരയുടെ പേര് പറഞ്ഞതില്‍ നടപടി വേണമെന്ന് തങ്ങള്‍ ആവശ്യപ്പെട്ടിരുന്നെന്നും എന്നാല്‍ അമ്മ നിലവില്‍ എടുത്തിരിക്കുന്നത് അച്ചടക്ക നടപടിയല്ലെന്നും മാല പാര്‍വതി പറഞ്ഞിരുന്നു . എക്സിക്യൂട്ടീവ് കമ്മിറ്റിയില്‍ നിന്നും വിജയ് ബാബു സ്വമേധയാ മാറുന്നു എന്നാണ് അമ്മ വാര്‍ത്താക്കുറിപ്പ് ഇറക്കിയത്.

മാറി നില്‍ക്കാന്‍ അമ്മ ആവശ്യപ്പെട്ടു എന്ന വാക്കില്ല. അമ്മയുടെ ഈ തീരുമാനത്തെ ഐ.സി.സി മെമ്പറായി ഇരുന്ന് കൊണ്ട് അംഗീകരിക്കാന്‍ കഴിയില്ല. അതൊരു തെറ്റായ നടപടിയാണ്. അതുകൊണ്ട് ഖേദപൂര്‍വം രാജിസമര്‍പ്പിക്കുകയായിരുന്നുവെന്നാണ് മാല പാര്‍വതി മാധ്യമങ്ങളോട് പ്രതികരിച്ചത്.