ബൈക്കിലെത്തിയ മൂന്നംഗസംഘം ഓട്ടോ തടഞ്ഞ് നിര്‍ത്തി ഡ്രൈവറെ ഭാര്യയുടെ കണ്‍മുന്നില്‍ വച്ച് കുത്തി.... ആ്ക്രമണത്തില്‍ വയറിനും കൈയ്ക്കും കുത്തേറ്റ് ഡ്രൈവര്‍ ആശുപത്രിയില്‍, സംഭവശേഷം രക്ഷപ്പെട്ട് അക്രമിസംഘത്തിനായി പോലീസ് അന്വേഷണം ഊര്‍ജ്ജിതത്തില്‍.

ബൈക്കിലെത്തിയ മൂന്നംഗ സംഘമാണ് ഓട്ടോ ഡ്രൈവറെ മാരകമായി കുത്തിപ്പരിക്കേല്‍പ്പിച്ചത്. ആക്രമണത്തില്‍ വയറിനും കൈയ്ക്കും കുത്തേറ്റ ഓട്ടോ ഡ്രൈവര്‍ കോതനല്ലൂര്‍ പട്ടമന മാത്യുവിനെ (തങ്കച്ചന്‍53) കോട്ടയം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.

തിങ്കളാഴ്ച രാത്രിയാണ് മാത്യുവിന് നേരെ ആക്രമണം നടന്നത്. കുത്തേറ്റ ഉടനെ അബോധാവസ്ഥയിലായ മാത്യുവിനെ മെഡിക്കല്‍ കോളജില്‍ ശസ്ത്രക്രിയയ്ക്കു വിധേയനാക്കി. മൂന്ന് വര്‍ഷം മുന്‍പ് പ്രദേശത്തെ കഞ്ചാവ് വില്‍പന ചോദ്യം ചെയ്ത മാത്യുവിനെ ഒരു സംഘമാളുകള്‍ ഹെല്‍മറ്റിന് അടിച്ചിരുന്നു. ഇവരാണോ ആക്രമണത്തിനു പിന്നിലെന്ന് അന്വേഷിക്കുന്നതായി പൊലീസ് പറഞ്ഞു.

തിങ്കളാഴ്ച രാത്രി സുഹൃത്തിന്റെ കുട്ടിയുടെ ആദ്യ കുര്‍ബാന ചടങ്ങില്‍ പങ്കെടുത്ത ശേഷം മടങ്ങുമ്പോഴാണ് വീടിനു സമീപം ചാമക്കാലാ റോഡില്‍ വച്ചാണ് ആക്രമണം ഉണ്ടായത്. ബഹളം കേട്ട് വീട്ടില്‍ നിന്നും പുറത്തിറങ്ങിയ തങ്കച്ചന്റെ ഭാര്യ ഷെല്ലിയുടെ മുന്നിലായിരുന്നു അക്രമം.

തങ്കച്ചന്റെയും ഭാര്യയുടെയും നിലവിളി കേട്ട് നാട്ടുകാര്‍ എത്തിയതോടെ അക്രമി സംഘം രക്ഷപ്പെട്ടു. കടുത്തുരുത്തി എസ്എച്ച്ഒ രഞ്ജിത്ത് വിശ്വനാഥ്. എസ്ഐ ബിബിന്‍ ചന്ദ്രന്‍ എന്നിവരുടെ നേതൃത്വത്തില്‍ പൊലീസെത്തി അന്വേഷണം ഊര്‍ജ്ജിതമാക്കി.