ഫാസ്ടാഗും ടോള്പ്ലാസകളും നിറുത്തലാക്കും.... പകരം ദേശീയ പാതയില് സഞ്ചരിച്ച ദൂരത്തിനു മാത്രം പണം ഈടാക്കുന്ന ഉപഗ്രഹ ടോള് സംവിധാനം വരുന്നു, തുക ബാങ്ക് അക്കൗണ്ടില് നിന്ന് പിടിക്കും
ഫാസ്ടാഗും ടോള്പ്ലാസകളും നിറുത്തലാക്കും.... പകരം ദേശീയ പാതയില് സഞ്ചരിച്ച ദൂരത്തിനു മാത്രം പണം ഈടാക്കുന്ന ഉപഗ്രഹ ടോള് സംവിധാനം വരുന്നു.
വാഹനങ്ങളെ ആഗോള ഉപഗ്രഹ ഗതിനിര്ണയ സംവിധാനവുമായി ( ഗ്ലോബല് നാവിഗേഷന് സാറ്റലൈറ്റ് സിസ്റ്റം - ജി.എന്.എസ്.എസ്) ബന്ധിപ്പിച്ച് ദേശീയപാതയില് സഞ്ചരിച്ച ദൂരം കണക്കാക്കും. അതിന്റെ ടോള് വാഹന ഉടമയുടെ ബാങ്ക് അക്കൗണ്ടില് നിന്ന് ഓട്ടോമാറ്റിക്കായി ഈടാക്കും.
ദേശീയപാതയില് കൂടുതല് ദൂരം സഞ്ചരിച്ചാല് മാത്രം കൂടുതല് ടോള് നല്കിയാല് മതിയാകും. നിലവില് ഒരു ടോള് ബൂത്ത് കടന്ന് ദേശീയ പാതയില് നിന്ന് ടോള് ഇല്ലാത്ത പാതയിലേക്ക് തിരിഞ്ഞാലും അടുത്ത ടോള് ബൂത്ത് വരെയുള്ള പണമാണ് നല്കുന്നത്.
ഉപഗ്രഹ സംവിധാനം വെര്ച്വല് ടോള്പ്ളാസ പോലെ വാഹനത്തെ ട്രാക്ക് ചെയ്യും. ടോള് ബാധകമായ ദേശീയ പാതയില് വാഹനം കയറുന്നതു മുതല് ടോള് ഇല്ലാത്ത റോഡിലേക്ക് തിരിയുന്നതു വരെ ട്രാക്ക് ചെയ്താണ് സഞ്ചരിച്ച ദൂരം കണക്കാക്കുന്നത്.
ഫാസ്ടാഗിലെന്ന പോലെ വാഹന ഉടമയുടെ ബാങ്ക് അക്കൗണ്ട്, വാഹനത്തിന്റെ നമ്പര് തുടങ്ങിയ വിവരങ്ങള് ജി.എന്.എസ്.എസുമായി ബന്ധിപ്പിച്ചാണ് അക്കൗണ്ടില് നിന്ന് പണം ഈടാക്കുന്നത്. കേന്ദ്ര ഉപരിതല ഗതാഗത മന്ത്രി നിതിന് ഗഡ്കരി മാര്ച്ചില് പാര്ലമെന്റില് പ്രഖ്യാപിച്ചതാണ് യൂറോപ്പില് ഉള്പ്പെടെ വിജയിച്ച ജി.എന്.എസ്.എസ് ടോള് സംവിധാനം.
ഇന്ത്യയില് പൈലറ്റ് പ്രോജക്ടായി 1.37ലക്ഷം വാഹനങ്ങളില് നടപ്പാക്കിയിട്ടുണ്ട്. റഷ്യയിലെയും ദക്ഷിണകൊറിയയിലെയും വിദഗ്ദ്ധര് അടങ്ങിയ സമിതി ഇത് പഠിക്കുന്നുണ്ട്. റിപ്പോര്ട്ട് ഉടന് കേന്ദ്രത്തിനു സമര്പ്പിക്കും.
ടോള് മാര്ഗം
2019നുശേഷം ഇറങ്ങുന്ന വാഹനങ്ങളില് ജി.എന്.എസ്.എസ് ട്രാക്കിംഗ് സംവിധാനം കര്ശനമാക്കിയിട്ടുണ്ട്. ഉപഗ്രഹ ട്രാക്കിംഗ് സാങ്കേതിക വിദ്യകളായ ഗലീലിയോ ( യൂറോപ്യന് ജി.എന്.എസ്.എസ്), ഐ.എസ്.ആര്.ഒയുടെ 7 ഉപഗ്രഹങ്ങളുടെ ശൃംഖലയായ നാവിഗേഷന് വിത്ത് ഇന്ത്യന് കോണ്സ്റ്റലേഷന് ( നാവിക് ) എന്നിവയില് ഏതെങ്കിലുമാകും ഉപയോഗിക്കുക.
നേട്ടങ്ങലാകട്ടെ സഞ്ചരിച്ച ദൂരത്തിനു മാത്രം ടോള് നല്കിയാല് മതിയാകും. ടോള് പ്ലാസകളുടെ ചെലവും ഗതാഗതക്കുരുക്കും ഒഴിവാകും. വാഹനങ്ങള് ഉപയോഗിച്ചുള്ള കുറ്റകൃത്യങ്ങള് കണ്ടെത്താനാകും.
അതേസമയം കോട്ടങ്ങളിതൊക്കെയാണ് പഴയ വാഹനങ്ങളില് ജി.എന്.എസ്.എസ് സ്ഥാപിക്കുന്നത് വെല്ലുവിളിയാണ്. വാഹന ട്രാക്കിംഗ് ദുരുപയോഗം ചെയ്യാന് സാദ്ധ്യത അക്കൗണ്ടില് നിന്ന് പണം ഈടാക്കുന്നത് ഹാക്കിംഗിന് വഴിയൊരുക്കും . ടോള് പ്ളാസകള്ക്കു സമീപം താമസിക്കുന്നവരുടെ ആനുകൂല്യം ഇല്ലാതാകും.
"
https://www.facebook.com/Malayalivartha
