സംസ്ഥാനത്ത് ശനിയാഴ്ച വരെ ശക്തമായ മഴയ്ക്ക് സാ്ധ്യതയെന്ന് കാലാവസ്ഥാ വകുപ്പ്... 24 മണിക്കൂറിനുള്ളില്‍ 64.5 മുതല്‍ 115.5 മില്ലിമീറ്റര്‍ വരെയുള്ള മഴയ്ക്കാണ് സാദ്ധ്യത. ശക്തമായ ഇടിമിന്നലിനും സാദ്ധ്യതയുണ്ട്.

ഇന്ന് ഇടുക്കി, മലപ്പുറം ജില്ലകളില്‍ യെല്ലോ അലര്‍ട്ട് പ്രഖ്യാപിച്ചു. വടക്കന്‍ ജില്ലകളില്‍ വരും ദിവസങ്ങളില്‍ വൈകിട്ട് 30-40 കിലോമീറ്റര്‍ വരെ വേഗത്തില്‍ കാറ്റിന് സാദ്ധ്യതയുണ്ട്.

തെക്കന്‍ ജില്ലകളില്‍ ഒറ്റപ്പെട്ട ഇടങ്ങളില്‍ മഴ ലഭിക്കും. ആന്‍ഡമാന്‍ കടലിലും ചേര്‍ന്നുള്ള തെക്ക് - കിഴക്ക് ബംഗാള്‍ ഉള്‍ക്കടലിലും മണിക്കൂറില്‍ 40- 50 കിലോമീറ്റര്‍ വേഗത്തിലും ചില അവസരങ്ങളില്‍ 60 കിലോമീറ്റര്‍ വേഗത്തിലും ശക്തമായ കാറ്റിന് സാദ്ധ്യതയുള്ളതിനാല്‍ ഈ പ്രദേശങ്ങളില്‍ മത്സ്യബന്ധനം പാടില്ല.

തെക്കന്‍ ആന്‍ഡമാന്‍ കടലില്‍ പുതിയ ചക്രവാതച്ചുഴി രൂപപ്പെടാന്‍ സാദ്ധ്യതയുണ്ട്. നാളെ ഇത് ന്യൂനമര്‍ദ്ദമായും തുടര്‍ന്നുള്ള ദിവസങ്ങളില്‍ കൂടുതല്‍ ശക്തിപ്രാപിക്കാനും സാധ്യതയേറെയാണ്.