യുപി മോഡല് കേരളത്തിലും ആരാധനാലയങ്ങളില് ഉച്ച ഭാഷിണി കള്ക്ക് വിലക്ക്? പിണറായിക്ക് നല്ല ബുദ്ധിയോ?..
യുപി മോഡല് കേരളത്തിലും. ഇത് കേള്ക്കുമ്പോള് തന്നെ നെറ്റി ചുളിക്കുന്നവര് ഉണ്ടാകും. അതെ യുപി മോഡലില് ആരാധനാലയങ്ങളിലെ ഉച്ചഭാഷിണി ഉപയോഗങ്ങള്ക്ക് നിയന്ത്രണം ഏര്പ്പെടുത്താന് സംസ്ഥാന സര്ക്കാര് തീരുമാനിച്ചു കഴിഞ്ഞ. ഇതുമായി ബന്ധപ്പെട്ട് സംസ്ഥാന പോലീസ് മേധാവിയ്ക്ക് സര്ക്കാര് നിര്ദ്ദേശവും നല്കിയെന്നാണ് വിവരം. ശബ്ദമലിനീകരണ നിയന്ത്രണ നിയമത്തിലെ വ്യവസ്ഥകള് കൂടുതല് കര്ശനമാക്കിയാണ് സര്ക്കാര് ഇത് പ്രായോഗികമാകുന്നത്. യുപി സര്ക്കാര് ഉച്ചഭാഷിണികള് മുഴുവനായും നീക്കം ചെയ്യുന്ന നടപടിയിലാണ്. അതിനു മുമ്പ് ഇത്തരത്തിലുള്ള നിയന്ത്രമാണ് ആദ്യം യോഗി നടപ്പിലാക്കിയത് പിന്നാലെയാണ് പതിയെ പതിയെ ഉച്ചഭാഷിണികളെ പൂര്ണമായും ഒഴിവാക്കിയത്.
ശബ്ദമലിനീകരണം തടയുന്നതിന്റെ ഭാഗമായാണ് സര്ക്കാര് നടപടിയെന്നാണ് സൂചന. ആരാധനാലയങ്ങളും, മത സാമുദായിക സംഘടനകളും ഉച്ചഭാഷിണികളും, സ്പീക്കറുകളും ഉപയോഗിക്കുന്നത് നിയമാനുസൃതമല്ല. ഇത് കുട്ടികള്ക്കും പ്രായമായവര്ക്കും ആരോഗ്യപ്രശ്നങ്ങള് സൃഷ്ടിക്കുന്നുണ്ട്. ഇതേ തുടര്ന്നാണ് നിയമം കര്ശനമാക്കാനുള്ള സര്ക്കാരിന്റെ തീരുമാനം. നിയമങ്ങള് ആരാധനാലയങ്ങള് കര്ശനമായി പാലിക്കുന്നുണ്ടെന്ന് ഉറപ്പുവരുത്തണമെന്നാണ് സര്ക്കാര് സംസ്ഥാന പോലീസ് മേധാവിയ്ക്ക് നല്കിയിരിക്കുന്ന നിര്ദ്ദേശം. ആരാധനാലയങ്ങളില് ഉച്ചഭാഷിണി, സ്പീക്കര് എന്നിവയുടെയും, വാദ്യോപകരണങ്ങളുടെയും ഉപയോഗത്തിനെതിരെ ബാലാവകാശ കമ്മീഷന് സര്ക്കാരിന് ശുപാര്ശ നല്കിയിരുന്നു. ഇതിന്റെ അടിസ്ഥാനത്തിലാണ് നടപടി സ്വീകരിച്ചത്.
ഇനിയിപ്പൊ മൗലീകാവകാശമാണെന്ന് പറഞ്ഞ് കോടതിയില് പോയാലും ഉച്ച ഭാഷിണികള് തിരികെ വരാന് പോകുന്നില്ല. കാരണം. മുസ്ലിം പള്ളികളില് ഉച്ചഭാഷിണി ഉപയോഗിക്കാന് അനുവദിക്കണമെന്ന് ആവശ്യപ്പെട്ട് സമര്പ്പിച്ച ഹര്ജി തള്ളി അലഹാബാദ് ഹൈക്കോടതി നേരത്തേ തള്ളിയിരുന്നു. ഇത് മൗലികാവകാശങ്ങളില് ഉള്പ്പെടില്ലെന്നു ചൂണ്ടിക്കാട്ടിയാണ് ഹൈക്കോടതി ഹര്ജി തള്ളിയത്. ജസ്റ്റിസ് വിവേക് കുമാര് ബിര്ള, ജസ്റ്റിസ് വികാസ് എന്നിവര് ഉള്പ്പെടുന്ന ഡിവിഷന് ബെഞ്ചാണ് ഹര്ജി പരിഗണിച്ചത്. മുസ്!ലിം പള്ളികളില് ഉച്ചഭാഷിണി ഉപയോഗിക്കുന്നതിന് ഭരണഘടനാപരമായ അവകാശമില്ലെന്നാണ് നിയമം വ്യക്തമാക്കുന്നതെന്ന് ഹൈക്കോടതി വിശദീകരിച്ചു.
ഇതുമായി ബന്ധപ്പെട്ട് ഇര്ഫാന് എന്നയാളാണ് ഹൈക്കോടതിയില് ഹര്ജി നല്കിയത്. ധോരന്പുരിലെ നൂറി മസ്ജിദില് ഉച്ചഭാഷിണി സ്ഥാപിക്കാന് അനുവദിക്കണമെന്ന് ആവശ്യപ്പെട്ട് നല്കിയ ഹര്ജി 2021 ഡിസംബര് മൂന്നിന് ബിസൗലി സബ്–ഡിവിഷനല് മജിസ്ട്രേറ്റ് തള്ളിയിരുന്നു. ഇതിനെതിരെയാണ് ഇര്ഫാന് ഹൈക്കോടതിയെ സമീപിച്ചത്.
സബ് ഡിവിഷനല് മജിസ്ട്രേറ്റിന്റെ ഉത്തരവ് നിയമവിരുദ്ധമാണെന്നായിരുന്നു ഹര്ജിക്കാരന്റെ വാദം. ഇന്ത്യന് ഭരണഘടന ഉറപ്പുനല്കുന്ന മൗലികാവകാശങ്ങളുടെയും നിയമപരമായ അവകാശങ്ങളുടെയും ലംഘനമാണ് വിധിയെന്നും ഹര്ജിക്കാരന് !ആരോപിച്ചു. ഈ സാഹചര്യത്തിലാണ് മുസ്ലിം പള്ളികളില് ഉച്ചഭാഷിണികളുടെ ഉപയോഗം മൗലികാവകാശമല്ലെന്ന ഹൈക്കോടതി വിധി.
ആരാധനാലയങ്ങളിലും മത സ്ഥാപനങ്ങളിലും ഉച്ചഭാഷിണികള് ഉപയോഗിക്കുന്നതുമായി ബന്ധപ്പെട്ട് രാജ്യത്തിന്റെ വിവിധ ഭാഗങ്ങളില് വിവാദം പൊട്ടിപ്പുറപ്പെട്ടിരുന്നു. മഹാരാഷ്ട്രയും ഉത്തര് പ്രദേശും ഉള്പ്പെടെയുള്ള സംസ്ഥാനങ്ങളില് ഇതുമായി ബന്ധപ്പെട്ട് പ്രതിസന്ധി ഉടലെടുത്തു.
ഇതിനിടെ പ്രശ്നത്തില് ഇടപെട്ട ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, ആരാധനാലയങ്ങളിലെ ഉച്ചഭാഷിണികളുടെ ശബ്ദം നിയന്ത്രിക്കാന് ഉത്തരവിട്ടിരുന്നു. ആരാധനാലയങ്ങളിലെ ഉച്ചഭാഷിണികളില്നിന്നുള്ള ശബ്ദം ആരാധനാലയത്തിന്റെ പരിധിക്കു പുറത്ത് കേള്ക്കരുതെന്നായിരുന്നു ഉത്തരവ്. തുടര്ന്ന് സംസ്ഥാനത്തിന്റെ വിവിധ ഭാഗങ്ങളില് ഉച്ചഭാഷിണികളുടെ ശബ്ദം നിയന്ത്രിച്ചു.
https://www.facebook.com/Malayalivartha
