ബത്തേരിയില് അനധികൃതമായി മദ്യവില്പ്പന നടത്തിയയാള് എക്സൈസ് പിടിയില്
22 JULY 2026 04:45 PM IST
മലയാളി വാര്ത്ത
വയനാട് സുല്ത്താന് ബത്തേരിയില് അനധികൃതമായി മദ്യവില്പ്പന നടത്തിയയാള് എക്സൈസ് പിടിയില്. കല്ലൂര് സ്വദേശി ബാലന് (ഉപ്പുമാവ് ബാലന്) ആണ് പിടിയിലായത്. പണം നല്കി ആളെവിട്ട് മദ്യം വാങ്ങിയശേഷം അത് വീട്ടില് സൂക്ഷിച്ച് ഉയര്ന്ന വിലയ്ക്ക് വില്പ്പന നടത്തുകയായിരുന്നു ഇയാള്. ആദിവാസി ഉന്നതികള് ലക്ഷ്യമിട്ടായിരുന്നു ബാലന്റെ കച്ചവടം.
ധാരാളം പരാതികള് എത്തിയതോടെയാണ് സുല്ത്താന് ബത്തേരി എക്സൈസ് റേഞ്ച് സംഘം ഉപ്പുമാവ് ബാലനെ പിടികൂടിയത്. മുമ്പും അബ്കാരി കേസുകളില് പ്രതിയായിരുന്നു ഇയാള്. 12 ലിറ്റര് ഇന്ത്യന് നിര്മിത വിദേശ മദ്യമാണ് ബാലന്റെ വീട്ടില് നിന്നും പിടിച്ചെടുത്തത്. പണ്ട് വീരപ്പന്റെ സംഘത്തില് ചന്ദനത്തടി ചുമക്കുന്ന ആളായിരുന്നു ബാലന്. അന്ന് സ്ഥിരമായി ഉപ്പുമാവ് മാത്രം കഴിച്ചിരുന്നതിനാലാണ് ഇയാള്ക്ക് ഉപ്പുമാവ് ബാലനെന്ന് പേരുവന്നത്.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
