പ്രധാനമന്ത്രിയുടെ വസതിക്കു മുന്നില് കോണ്ഗ്രസ് നടത്തിയ സമരത്തില് പ്രതിഷേധിച്ച് ബിജെപി പ്രവര്ത്തകര് കെപിസിസി ഓഫിസിലേക്കു മാര്ച്ച് നടത്തി
നീറ്റ് പരീക്ഷാക്രമക്കേട് കണ്ടെത്തിയതിനെ തുടര്ന്ന് ഡല്ഹിയില് പ്രധാനമന്ത്രിയുടെ വസതിക്കു മുന്നില് കോണ്ഗ്രസ് നടത്തിയ സമരത്തില് പ്രതിഷേധിച്ച് ബിജെപി പ്രവര്ത്തകര് കെപിസിസി ഓഫിസിലേക്കു മാര്ച്ച് നടത്തി. ബാരിക്കേഡ് വച്ച് പൊലീസ് മാര്ച്ച് തടഞ്ഞു. തുടര്ന്ന് പ്രവര്ത്തകര് ബാരിക്കേഡിനു മുകളില് കയറി പ്രതിഷേധിച്ചു. രാഹുല് ഗാന്ധിയും കോണ്ഗ്രസ് പ്രവര്ത്തകരും പ്രധാനമന്ത്രി നരേന്ദ്ര മോദിയുടെ വീട്ടില് കയറി അക്രമം നടത്താനാണ് ശ്രമം നടത്തിയതെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് പറഞ്ഞു.
പ്രധാനമന്ത്രിയെ ലക്ഷ്യമിടാനും അട്ടിമറിക്കാനും ശ്രമിച്ചാല് അംഗീകരിക്കില്ല. നീറ്റ് പരീക്ഷാക്രമക്കേട് കണ്ടെത്തിയതിനെ തുടര്ന്ന് പ്രധാനമന്ത്രി ഇടപെട്ട് പുനഃപരീക്ഷ ഉള്പ്പെടെ എല്ലാ കാര്യങ്ങളും ചെയ്തുവെന്നും ചര്ച്ചകള്ക്ക് തയാറാണെന്നും രാജീവ് ചന്ദ്രശേഖര് വ്യക്തമാക്കി. കുട്ടികളുടെ പേരില് കോണ്ഗ്രസ് മുതലെടുപ്പിനു ശ്രമിക്കുകയാണെന്നും രാജീവ് ചന്ദ്രശേഖര് കുറ്റപ്പെടുത്തി. സംസ്ഥാന മുഖ്യമന്ത്രി വി.ഡി.സതീശന് പ്രധാനമന്ത്രിയുടെ വീടിനു മുന്നില് സമരം ചെയ്യുക വഴി നിയമം ലംഘിച്ചിരിക്കുകയാണെന്നും അദ്ദേഹം മാപ്പ് പറയണമെന്നും രാജീവ് ചന്ദ്രശേഖര് ആവശ്യപ്പെട്ടു. മേയര് വി.വി.രാജേഷ്, എംഎല്എമാരായ വി.വി.ഗോപകുമാര്, വി.മുരളീധരന്, മുതിര്ന്ന നേതാക്കളായ കുമ്മനം രാജശേഖരന്, പി.കെ.കൃഷ്ണദാസ്, എസ്.സുരഷ് തുടങ്ങിയവര് പങ്കെടുത്തു.
https://www.facebook.com/Malayalivartha
