ജയിലില്‍ നിന്നിറങ്ങിയ പിസി കൂടുതല്‍ ശക്തനാണ്. അദേഹംത്തിന്റെ ഓരോ വാക്കുകള്‍ക്കും ആയിരക്കണക്കിന് വോട്ടുകളുടെ വിലയുണ്ട്. അത് പിണറായിക്ക് നന്നായി അറിയാം. അതിനാല്‍ തന്നെ പിസി തൃക്കാക്കരയിലെ പൊതു പരിപാടിയില്‍ പങ്കെടുക്കാതിരിക്കാനുള്ള എല്ലാ സജ്ജീകരണങ്ങളും ഉടന്‍ തന്നെ ചെയ്യണം എന്ന നിര്‍ദേശം പിണറായി പോലീസിനും സിപിഎമ്മിനും നല്‍കിക്കഴിഞ്ഞു. അതിനുള്ള പ്ലാനും പദ്ധതിയും തയ്യാറാക്കുകയാണ് അവര്‍.

പ്രസംഗക്കേസില്‍ ജാമ്യം ലഭിച്ച് ജയില്‍ മോചിതനായ മുന്‍ എംഎല്‍എ പിസി ജോര്‍ജ് നാളെ തൃക്കാക്കരയില്‍ നിരവധി പൊതു പരിപാടികളില്‍ പങ്കെടുക്കാനുള്ള ഒരുക്കത്തിലാണ്. ദേശീയ ജനാധിപത്യ സഖ്യത്തിന്റെ തെരഞ്ഞെടുപ്പ് പ്രചരണങ്ങള്‍ക്കായാണ് അദേഹം തൃക്കാക്കരയില്‍ എത്തുന്നത്. പിണറായിക്കുള്ള മറുപടി പിസി നല്‍കുന്നതും കാത്തിരിക്കുകയാണ് കേരളം.

അദേഹത്തിന്റെ വരവിന് ഗംഭീര സ്വീകരണമൊരുക്കി കാത്തിരിക്കുകയാണ് അവിടുത്തെ അണികള്‍. കഴിഞ്ഞ ദിവസവും ആ ആവേശം കേരളം കണ്ടതാണ് ഇന്നലെ വൈകുന്നേരത്തോടെയാണ് പിസി ജോര്‍ജ് ജയില്‍ മോചിതനായത് അവിടെ ബിജെപി പ്രവര്‍ത്തകര്‍ വന്‍ സ്വീകരണം തന്നെ അദേഹത്തിനായി ഒരുക്കിയിരുന്നു. അതിന്റെ ബാക്കി തൃക്കാക്കരയിലായിരുന്നു. പിന്നാലെയുള്ള പിസിയുടെ ഇടിവെട്ട് പ്രസംഗവുമായി തൃക്കാക്കരയിലെ കലാശക്കൊട്ട് ഗംഭീരമാക്കാനുള്ള ആവേശത്തിലായിരുന്നു അണികള്‍.

തന്നെ ജയിലിലിട്ടത് പിണറായിയുടെ കളിയുടെ ഭാഗമാണ് എന്ന് പി സി ജോര്‍ജ് മാധ്യമങ്ങളോട് ജയില്‍ മോചിതനായി ഇറങ്ങിയപ്പോള്‍ തന്നെ പറഞ്ഞിരുന്നു. ജാമ്യം ലഭിച്ച് ജയിലില്‍ നിന്ന് പുറത്തിറങ്ങി മാധ്യമങ്ങളെ കണ്ടപ്പോഴായിരുന്നു അദ്ദേഹത്തിന്റെ ആ വെല്ലുവിളി. തനിക്കെതിരെ തൃക്കാക്കരയിലാണ് മുഖ്യമന്ത്രി പ്രസംഗിച്ചത്. അതിന് തൃക്കാക്കരയില്‍ മറുപടി നല്‍കുമെന്നുന്ന അദേഹത്തിന്റെ ഭീഷണി ഭയത്തോടെയാണ് പിണറായി കാണുന്നത്. അതുകൊണ്ടാണ് ഈ നെറികെട്ട കളിയ്ക്ക് പിണറായി പോലീസ് ഇറങ്ങിത്തിരിച്ചിരിക്കുന്നത്

പൊതു പരിപാടിയ്ക്ക് പിസി എത്താതിരിക്കാന്‍ പി.സി.യെ നാളെ ചോദ്യം ചെയ്യുമെന്നാണ് പൊലീസ് അറിയിക്കുന്നത്. ഇതിനായി രാവിലെ 11 മണിക്ക് തിരുവനന്തപുരം ഫോര്‍ട്ട് അസിസ്റ്റന്റ് കമ്മിഷണര്‍ ഓഫിസില്‍ ഹാജരാകണം എന്നാണ് പിസിയ്ക്ക് നിര്‍ദേശം. ഫോര്‍ട്ട് അസിസ്റ്റന്റ് കമ്മിഷണറാണ് പി.സി. ജോര്‍ജിനെ ചോദ്യം ചെയ്യുക എന്നാണ് അറിയിപ്പ്. രാവിലെ തന്നെ ചോദ്യം ചെയ്തു തുടങ്ങിയാല്‍ ഏറെ വൈകിയേ അദേഹത്തെ പുറത്തു വിടുകയുള്ളൂ. ഇതെല്ലാം പിണറായിയുടെ അടവാണ്. എന്തായാലും രാവിലെ പിസി പൊതു പരിപാടിയ്ക്ക് പോകില്ലെന്നാകും പിണറായി കണക്കുകൂട്ടിയിട്ടുണ്ടാകുക. നിരവിധി ചോദ്യങ്ങളാണ് സര്‍ക്കാരിനു മുന്നിലേയ്ക്ക് വരുന്നത്

എന്തിനാണ് ഈ തിരക്കിട്ട ചോദ്യം ചെയ്യല്‍. തൃക്കാക്കര പ്രചാരണ പരിപാടികള്‍ അവസാനിക്കുന്ന സമയത്ത് തന്നെ എന്തിന് ഈ പൊലീസ് നടപടി. ജാമ്യം നേടിയതല്ലേ ഉള്ളൂ.. ചോദ്യം ചെയ്യാന്‍ എന്തേ ഇത്യ തിടുക്കം. രാജ്യ ദ്രോഹ കുറ്റമൊന്നുമല്ലല്ലോ പിസി ചെയ്തത്. ഞായറാഴ്ച ദിവസം പൊലീസിനെ സംബന്ധിച്ച് വലിയ കേസുകളൊക്കെ മാറ്റിവച്ച് സാധാരണ സ്റ്റേഷന്‍ നടപടികള്‍ മാത്രം നടക്കുന്ന ഈ ഒഴിവു ദിവസം തന്നെ എന്തിന് ഈ ചോദ്യം ചെയ്യല്‍. പിസി ഒരു ക്രൈസ്തവ വിശ്വാസിയാണ് ഞായറാഴ്ചകളിലും കടമുള്ള ദിവസങ്ങളിലും മുഴുവന്‍ കുര്‍ബാനയിലും പങ്കെടുക്കുക എന്നുള്ളത് തിരുസഭയുടെ കല്‍പ്പനയാണ്. സത്യകൃത്യാനിയായ പിസിയെ പള്ളിയില്‍ കയറ്റാതെ ചോദ്യം ചെയ്യലിന് വിളിച്ചുവരുത്തുന്നതു കൊണ്ട് പൊലീസ് എന്താണ് ഉദേശിക്കുന്നത്. പൊതു ജനങ്ങള്‍ക്ക് ഇതിനെല്ലാമുള്ള മറുപടി പറയേണ്ട ബാധ്യത പിണറായിക്കും പൊലീസിനും ഉണ്ട്.

ഈ തുക്കടാ നമ്പറോക്കെ ജനങ്ങള്‍ക്ക് മനസ്സിലാകും. ഉപതെരഞ്ഞെടുപ്പ് ലക്ഷ്യമാക്കി 20 ശതമാനം വോട്ടിന് വേണ്ടി ജോര്‍ജിനെ സര്‍ക്കാര്‍ അകാരണമായി വേട്ടയാടുകയാണെന്നത് ഒന്നുകൂടി ഇവിടെ തെളിയിക്കപ്പെടുകയാണ്. വര്‍ഗീയ പ്രസംഗം നടത്തിയ ഫസല്‍ ഗഫൂറും മുജാഹിദ് ബാലുശ്ശേരിയും നാട്ടില്‍ വിലസിനടക്കമ്പോള്‍ നീതി നിഷേധിക്കപ്പെടുന്നത് പിസി ജോര്‍ജിനെപോലെയുള്ളവര്‍ക്കാണ്.

സര്‍ക്കാരിന്റെ ഇരട്ടത്താപ്പ് വെളിവായടോടുകൂടി കാസയും തൃക്കാക്കരയില്‍ എന്‍ഡിഎ സ്ഥാനാര്‍ത്ഥി എഎന്‍ രാധകൃഷ്ണന് വോട്ടു ചെയ്യാന്‍ വിശ്വാസി സമൂഹത്തോട് ആഹ്വാനം ചെയ്തിരിക്കുകയാണ്. ഒരു സമുദായത്തിന്റെ വോട്ടിനുവേണ്ടി ആ സമുദായത്തിലെ മതമൗലികവാദികളെയും തീവ്രവാദികളെയും പാലൂട്ടി വളര്‍ത്തുന്നു. അവര്‍ക്കു വേണ്ടി ക്രൈസ്തവരെ അവഗണിക്കുകയും ദ്രോഹിക്കുകയും ചെയ്യുന്നു. ഇരു മുന്നണികളോടുമുള്ള പ്രതിഷേധം എഎന്‍ രാധാകൃഷ്ണന് വോട്ടായി രേഖപ്പെടുത്തണമെന്നും കാസാ പുറത്തിറക്കിയ കുറിപ്പില്‍ ആഹ്വാനം ചെയ്തു.

ദേശീയ ജനാധിപത്യ സഖ്യത്തിന് പിന്തുണയുമായി പിസി ജോര്‍ജും രംഗത്തുവന്നു. ബിജെപി സ്ഥാനാര്‍ത്ഥി എഎന്‍ രാധാകൃഷ്ണന് വോട്ട് അഭ്യര്‍ത്ഥിച്ചുകൊണ്ട് അദേഹം നാളെ തൃക്കാക്കര മണ്ഡലത്തില്‍ എത്തും.

പിസിയുടെ അറസ്റ്റ് വന്‍ പ്രതിഷേധങ്ങള്‍ക്ക് വഴിവെച്ചിരുന്നു. ഉപതെരഞ്ഞെടുപ്പ് ലക്ഷ്യമാക്കി 20 ശതമാനം വോട്ടിന് വേണ്ടി ജോര്‍ജിനെ സര്‍ക്കാര്‍ അകാരണമായി വേട്ടയാടുകയാണെന്ന് ബിജെപി സംസ്ഥാന അധ്യക്ഷന്‍ കെ. സുരേന്ദ്രനും പ്രതികരിച്ചു. വര്‍ഗീയ പ്രസംഗം നടത്തിയ ഫസല്‍ ഗഫൂറും മുജാഹിദ് ബാലുശ്ശേരിയും നാട്ടില്‍ വിലസിനടക്കുന്നതായും അദേഹം ചൂണ്ടിക്കാട്ടി. നീതി നിഷേധിക്കപ്പെടുന്ന ജോര്‍ജിനൊപ്പം നിലനില്‍ക്കുമെന്നും സുരേന്ദ്രന്‍ വ്യക്തമാക്കിയിരുന്നു.

എന്തായാലും തൃക്കാക്കരയിലെ പിസിയുടെ മറുപടി കേരളം വളരെ ആകാംശയോടെയാണ് കാത്തിരിക്കുന്നത്. അതുണ്ടാകും എന്നാണ് അവരുടെ പ്രതീക്ഷയും