എണ്ണാമെങ്കില് എണ്ണിക്കോ... തൃക്കാക്കരയില് എത്തുമെന്ന് പറഞ്ഞ ദിവസം പിസി ജോര്ജിനെ ചോദ്യം ചെയ്യാന് വിളിപ്പിച്ച് പോലീസ്; ആരോഗ്യപ്രശ്നം കാരണം ചോദ്യം ചെയ്യലിന് ഹാജരാകില്ലെന്ന് പി.സി.ജോര്ജ്; പക്ഷെ മുഖ്യമന്ത്രിക്ക് മറുപടി പറായാനെത്തും
തൃക്കാക്കര ഉപതെരഞ്ഞെടുപ്പിന് മണിക്കൂറുകള് മാത്രം ശേഷിക്കെ പിസി ജോര്ജ് നിര്ണായകമാകുകയാണ്. പിസി ജോര്ജിനെ പോലീസ് ചോദ്യം ചെയ്യാന് വിളിപ്പിക്കുമ്പോള് എങ്ങനെ തൃക്കാക്കരയിലെത്തും എന്നത് പലരും ചിന്തിച്ചതാണ്. ഇതിന് സിമ്പിള് ഉത്തരം പിസി ജോര്ജ് കണ്ടെത്തി.
പി.സി.ജോര്ജ് ഞായറാഴ്ച പൊലീസ് ചോദ്യ ചെയ്യലിനു ഹാജരാകില്ല. തനിക്ക് ആരോഗ്യപ്രശ്നങ്ങളുണ്ടെന്ന് ജോര്ജ് ഫോര്ട്ട് പൊലീസിനെ അറിയിച്ചു. ചോദ്യം ചെയ്യല് മറ്റൊരു ദിവസത്തേക്ക് മാറ്റിവയ്ക്കണമെന്നും പി.സി.ജോര്ജ് ആവശ്യപ്പെട്ടു. എന്നാല് ചോദ്യം ചെയ്യല് മാറ്റിവയ്ക്കുന്നത് സംബന്ധിച്ച് അന്തിമ തീരുമാനം ആയിട്ടില്ലെന്ന് പൊലീസ് വ്യക്തമാക്കി.
അതേസമയം തൃക്കാക്കരയിലെത്താന് ആരോഗ്യം പ്രശ്നമേയല്ല. ഞായറാഴ്ച തൃക്കാക്കരയില് തിരഞ്ഞെടുപ്പ് പ്രചരണത്തിന് എത്തുന്ന പി.സി.ജോര്ജ് രാവിലെ 8ന് വെണ്ണല ക്ഷേത്രത്തിലെ സ്വീകരണത്തിലും പങ്കെടുക്കും. തിരുവനന്തപുരത്തു നടത്തിയ മതവിദ്വേഷ പ്രസംഗവുമായി ബന്ധപ്പെട്ട കേസില് പി.സി.ജോര്ജിനു ജാമ്യം ലഭിച്ചിരുന്നു.
സംസ്ഥാന സര്ക്കാര് എതിര്ത്തെങ്കിലും കര്ശന ഉപാധികളോടെ ഹൈക്കോടതിയാണ് പി.സി.ജോര്ജിന് ജാമ്യം അനുവദിച്ചത്. പി.സി.ജോര്ജ് വെണ്ണലയില് പ്രസംഗിച്ചാല് നിയമനടപടി ആലോചിക്കുന്നതായി പൊലീസ് വ്യക്തമാക്കി. നിയമവശങ്ങള് ആലോചിച്ച ശേഷം പി.സി. ജോര്ജിനെതിരെ തുടര് നടപടികള് സ്വീകരിക്കുമെന്ന് തിരുവനന്തപുരം സിറ്റി പൊലീസ് കമ്മിഷണര് അറിയിച്ചു.
ജാമ്യവ്യവസ്ഥ തെറ്റിച്ചോയെന്നു പരിശോധിക്കുകയും ഹാജരാകാത്തത് കോടതിയെ അറിയിക്കുകയും ചെയ്യുമെന്നും പൊലീസ് വ്യക്തമാക്കി. വിദ്വേഷ പ്രസംഗക്കേസില് ചോദ്യംചെയ്യലിനു ഞായറാഴ്ച രാവിലെ 11 മണിക്ക് തിരുവനന്തപുരം ഫോര്ട്ട് അസിസ്റ്റന്റ് കമ്മിഷണര് ഓഫിസില് ഹാജരാകണമെന്നായിരുന്നു പി.സി.ജോര്ജിനുള്ള നിര്ദേശം. ശബ്ദപരിശോധനയും നടത്തേണ്ടതുണ്ടെന്ന് പൊലീസ് നോട്ടിസില് പറയുന്നു.
അതേസമയം തൃക്കാക്കരയില് പിസിയുടെ നീക്കം നോക്കിയിരിക്കുകയാണ് കേരളം. സര്ക്കാരിന്റെ തൃക്കാക്കര നാടകം പുറത്തായെന്ന് വിദ്വേഷപ്രസംഗക്കേസില് ജാമ്യം ലഭിച്ച പി.സി.ജോര്ജ് പറഞ്ഞു. ഞായറാഴ്ചത്തെ ചോദ്യംചെയ്യല് നാടകത്തിന് പിന്നില് മുഖ്യമന്ത്രി പിണറായി വിജയനാണെന്നും പി.സി.ജോര്ജ് ആരോപിച്ചു.
തനിക്കെതിരായ ആരോപണങ്ങള്ക്ക് ഞായറാഴ്ച തൃക്കാക്കരയിലെ തിരഞ്ഞെടുപ്പ് പ്രചാരണവേദിയില് മറുപടി നല്കുമെന്നായിരുന്നു പി.സി.ജോര്ജ് ജയില്മോചിതനായശേഷം പറഞ്ഞിരുന്നത്. എന്നാല് ചോദ്യംചെയ്യലിനു ഹാജരാകാന് പൊലീസ് നോട്ടിസ് നല്കിയതോടെ ജോര്ജിനു തൃക്കാക്കരയിലെ പരിപാടിയില് പങ്കെടുക്കാനാകില്ലെന്ന് ഉറപ്പായി. ഞായറാഴ്ചയാണ് തൃക്കാക്കരയില് പരസ്യപ്രചാരണം അവസാനിക്കുന്നത്.
അന്വേഷണവുമായി സഹകരിക്കണമെന്ന് പി.സി.ജോര്ജിനുള്ള ജാമ്യവ്യവസ്ഥയില് ഹൈക്കോടതി വ്യക്തമാക്കിയിരുന്നു. അതിനാല് ചോദ്യംചെയ്യലിനു ഹാജരാകാതിരുന്നാല് ജാമ്യവ്യവസ്ഥ ലംഘിച്ചെന്ന കുറ്റം പൊലീസിനും പ്രോസിക്യൂഷനും പി.സി.ജോര്ജിനെതിരെ ചുമത്താനാകും.
വിദ്വേഷ പ്രസംഗക്കേസില് ഞായറാഴ്ച രാവിലെ 11 മണിക്കാണ് പി.സി. ജോര്ജിനെ ചോദ്യം ചെയ്യാനിരുന്നത്. തിരുവനന്തപുരം ഫോര്ട്ട് അസിസ്റ്റന്റ് കമ്മിഷണര് ഓഫിസില് ഹാജരാകണമെന്നാണ് നിര്ദേശം. എത്തിയാല് ഫോര്ട്ട് അസിസ്റ്റന്റ് കമ്മിഷണറാണ് പി.സി. ജോര്ജിനെ ചോദ്യം ചെയ്യുക.
https://www.facebook.com/Malayalivartha
