പിണറായിക്കെതിരെ ആഞ്ഞടിച്ച് രംഗത്തെത്തിയിരിക്കുകയാണ് പിസി ജോര്‍ജ്ജ്. തന്നെ വിഷമിപ്പിച്ച് ജയിലില്‍ കിടത്തിയ പിണറായായിയെ തൃക്കാക്കരയില്‍ കണ്ടോളാം എന്നുള്ള മാസ് ഡയലേഗിന് പിന്നാലെയാണ് മുഖ്യനെതിരെ ഇപ്പോള്‍ പ്രസ്താവനകള്‍ നടത്തുന്നത്. തൃക്കാക്കരയില്‍ എന്‍ഡിഎ സ്ഥാനാര്‍ത്ഥി എഎന്‍ രാധാകൃഷ്ണനൊപ്പം മാധ്യമങ്ങളെ കണ്ടാണ് പിസി പിണറായിക്കെതിരെ തുറന്നടിച്ചത്.

പിണറായിയുടെ കൗണ്ട്ഡൗണ്‍ തുടങ്ങിയെന്നാണ് പിസി ജോര്‍ജ്ജ് പറഞ്ഞു. തനിക്കെതിരായ നടപടി പിണറായിയുടെ രാഷ്ട്രീയ കളിയാണെന്നും പോലീസിനെ ഉപയോഗിച്ച് തന്നെ നിശബ്ദനാക്കാനുളഅള തന്ത്രണമാണ് ഇതെന്നും അദ്ദേഹം ചൂണ്ടിക്കിക്കാട്ടി.. അതേസമയം സ്റ്റാലിനിസ്റ്റ് മനോഭാവമുള്ളയാളാണ് പിണറായി വിജയന്‍ എന്നും പിസി കുറ്റപ്പെടുത്തി.

തന്നോട് പിണറായിക്ക് താര്‍ത്താ തീരാത്ത പകയുണ്ടെന്ന് പിസി നേരത്തെയും പറഞ്ഞത്. ഇപ്പോഴിതാ തൃക്കാക്കരയിലെത്തിയപ്പോഴും അദ്ദേഹം ഇക്കാര്യത്തില്‍ ഊന്നല്‍ നല്‍കി. തന്നോട് ഇത്രയും ദേഷ്യമുണ്ടാകാന്‍ കാരണം താന്‍ വിഎസിനൊപ്പം നിന്നതുകൊണ്ടാണെന്നും ജോര്‍ജ്ജ് ചൂണ്ടിക്കാട്ടി. പിണറായി ഒരാള്‍ വിചാരിച്ചാലൊന്നും തന്നെ ഒരു ചുക്കും ചെയ്യാന്‍ കഴിയില്ല എന്നാണ് പിസിയുടെ വാദം. തൃക്കാക്കര എന്‍ഡ്എ ഓഫീസില്‍ എത്തുന്നതിന് മുമ്പ് പിസി വെണ്ണല ശ്രീ മഹാദേവ ക്ഷേത്രത്തിലും പോയിരുന്നു.

ഇന്ന് തിരുവനന്തപുരം ഫോര്‍ട്ട് സ്‌റ്റേഷനില്‍ ഹാജരാകണമെന്ന് പിസിക്ക് നോട്ടീസ് നല്‍കിയിരുന്നതാണ് എന്നാല്‍ തനിക്ക് ആരോഗ്യപ്രശ്‌നങ്ങള്‍ ഉണ്ട് എന്ന് കാണിച്ച് ചോദ്യം ചെയ്യല്‍ മറ്റൊരു ദിവസത്തേക്ക് മാറ്റിവെക്കാന്‍ പിസി ആവശ്യപ്പെടുകയാണ് ഉണ്ടായത്.

പിണറായിക്കിട്ട് ഒന്ന് പൊട്ടിക്കാന്‍ വേണ്ടിയാണ് അദ്ദേഹം ഇക്കാര്യം പറഞ്ഞത്. മാത്രമല്ല ഇന്ന് സ്റ്റേഷനില്‍ ഹാജറാകില്ല എന്ന് അറിയച്ചതിന് പിന്നാലെയാണ് അദ്ദേഹം തൃക്കാക്കരയില്‍ എത്തിയത്.

സുരേഷ് ഗോപിയുടെ റോഡ് ഷോയായിരുന്നു അവസാന ലാപ്പിലെ ബിജെപി പ്രചാരണത്തിന്റെ ഇന്നലത്തെ ഹൈലൈറ്റ്. എന്നാല്‍ പോലീസ് ഹാജരാകാന്‍ ആവശ്യപ്പെട്ടിട്ടും ബിജെപി സ്ഥാനാര്‍ത്ഥിക്കൊപ്പം പ്രചാരണത്തിനിറങ്ങുമെന്ന് പറഞ്ഞ പിസി ജോര്‍ജായിരിക്കും ബിജെപിയുടെ കൊട്ടിക്കലാശത്തിലെ ഹൈലൈറ്റ്.