തൃക്കാക്കര ഉപതെരഞ്ഞെടുപ്പ് വിജയത്തില്‍ മതിമറന്ന് ആഹ്ലാദിക്കാനില്ലെന്ന് പ്രതിപക്ഷ നേതാവ് വി.ഡി.സതീശന്‍
03 JUNE 2022 01:03 PM IST
മലയാളി വാര്‍ത്ത
തൃക്കാക്കര ഉപതെരഞ്ഞെടുപ്പ് വിജയത്തില്‍ മതിമറന്ന് ആഹ്ലാദിക്കാനില്ലെന്ന് പ്രതിപക്ഷ നേതാവ് വി.ഡി.സതീശന്‍. ഫലം വന്നതിന് പിന്നാലെ നടന്ന വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.
ഇതൊരു തുടക്കം മാത്രമാണ്. തുടര്‍ഭരണം സര്‍ക്കാരിന് അഹങ്കാരത്തിന്റെയും ധാര്‍ഷ്ട്യത്തിന്റെയും കൊമ്പുകള്‍ സൃഷ്ടിച്ചിരുന്നു. ഈ കൊമ്പുകള്‍ ജനങ്ങള്‍ പിഴുതുമാറ്റിയെന്നും അദ്ദേഹം പറഞ്ഞു.
തൃക്കാക്കരയിലെ ദയനീയ തോല്‍വിയുടെ പശ്ചാത്തലത്തില്‍ സില്‍വര്‍ലൈന്‍ പദ്ധതിയില്‍ നിന്നും പിന്മാറാന്‍ സര്‍ക്കാര്‍ തയ്യാറാകണം. ജനവിരുദ്ധമായ പദ്ധതിക്ക് ജനങ്ങള്‍ നല്‍കിയ തിരിച്ചടി കൂടിയാണ് ഈ തെരഞ്ഞെടുപ്പ് പരാജയം.
മുഖ്യമന്ത്രിയും 20 മന്ത്രിമാരും എംഎല്‍എമാരും ക്യാമ്പ് ചെയ്ത് കാടിളക്കി പ്രചരണം നടത്തിയിട്ടും എല്‍ഡിഎഫ് സ്ഥാനാര്‍ഥിക്ക് മുന്നേറ്റമുണ്ടായില്ലെന്നും കുറ്റപ്പെടുത്തി വി.ഡി.സതീശന്‍.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
