കരുനാഗപ്പള്ളിയില്‍ ദമ്പതികള്‍ മരിച്ച നിലയില്‍.... ശരീരത്തില്‍ വൈദ്യുതി കമ്പി ചുറ്റിയ നിലയിലായിരുന്നു മൃതദേഹം, ആത്മഹത്യയെന്നാണ് പൊലീസിന്റെ പ്രാഥമിക നിഗമനം, അസ്വാഭാവിക മരണത്തിന് കേസെടുത്ത് പോലീസ്.

കല്ലേലീഭാഗം സ്വദേശികളായ സാബു, ഷീജ എന്നിവരാണ് മരിച്ചത്. ശരീരത്തില്‍ ഷോക്കടിപ്പിച്ച നിലയിലായിരുന്നു മൃതദേഹം . ദമ്പതികളുടെ മകന്‍ അഭിനവാണ് ഇന്ന് രാവിലെ ഇവരെ മരിച്ച നിലയില്‍ കണ്ടത്.

സാബുവിന്റെയും ഷീജയുടെയും ശരീരത്തില്‍ വൈദ്യുതി കമ്പി ചുറ്റിയ നിലയിലായിരുന്നു. കുടുംബത്തിന് സാമ്പത്തിക ബാദ്ധ്യത ഉണ്ടായിരുന്നുവെന്നും ഇക്കാരണത്താല്‍ ആത്മഹത്യ ചെയ്തതാകാം എന്നാണ് പ്രാഥമിക നിഗമനം.

അസ്വാഭാവിക മരണത്തിന് പൊലീസ് കേസെടുത്തിട്ടുണ്ട്. മൃതദേഹം ഇപ്പോള്‍ ജില്ലാ ആശുപത്രിയില്‍ സൂക്ഷിച്ചിരിക്കുകയാണ്. പോസ്റ്റ്‌മോര്‍ട്ടം നടപടികള്‍ക്ക് ശേഷം മൃതദേഹം ബന്ധുക്കള്‍ക്ക് വിട്ടുനല്‍കും.