നമ്മുടെ കയ്യില്‍ നിന്നും ഒരു ചെറിയ വസ്തു നഷ്ടപ്പെട്ടാലും അത് തിരികെ കിട്ടിയാല്‍ വളരെ സന്തോഷമാണ്. അതെപോലെ തന്നെ കാണാതായ വസ്തു അപ്രതീക്ഷിതമായി നമുക്ക് കിട്ടുമ്പോള്‍ അതിന്റെ സന്തോഷം ഒന്ന് വേറെ തന്നെ. അത്തരത്തില്‍ ഒരു സംഭവമാണ് ഇവിടെ ഖദീജ എന്ന യുവതി കുറിച്ചിരിക്കുന്നത്. 2018 ലാണ് എയര്‍പോട്ടില്‍ വെച്ച് ഖദീജയുടെ ബാഗ് നഷ്ടമാകുന്നത്.

ബാഗ് നഷ്ടപ്പെടുമ്പോള്‍ അതില്‍ ഒരു ഐപാഡ്, കിന്‍ഡില്‍, ഹാര്‍ഡ് ഡിസ്‌ക് എന്നിവയുള്‍പ്പടെ ഉണ്ടായിരുന്നു. ഫോണിന്റെ ബാക്കപ്പുകള്‍ സൂക്ഷിച്ച ഹാര്‍ഡ് ഡിസ്‌കയിരുന്നു അത്. വിലയേറിയ ഒട്ടനവധി രേഖകളും ഡീറ്റൈല്‍സും ഇതോടെ ഖദീജയ്ക്ക് നഷ്ടമായി.

അന്ന് വളരെയേറെ അന്വേഷിച്ചുനടന്നെങ്കിലും ഖദീജയ്ക്ക് ബാഗ് തിരിച്ചുകിട്ടിയില്ല. വര്‍ഷങ്ങള്‍ കഴിഞ്ഞതോടെ ഈ ബാഗിനെക്കുറിച്ചുള്ള ഓര്‍മകളും ഇല്ലാതായി. എന്നാല്‍ മൂന്ന് വര്‍ഷത്തിന് ശേഷം ഖദീജയ്ക്ക് ബാഗ് തിരിച്ചുകിട്ടിയത്.

നഷ്ടപ്പെട്ട ഖദീജയുടെ വസ്തുക്കള്‍ തന്റെ പക്കല്‍ ഉണ്ടെന്ന് പറഞ്ഞ് ഒരു ഫോണ്‍കോള്‍ വരുകയായിരുന്നു. ആദ്യം അയാള്‍ പറയുന്നത് മനസിലായില്ലെങ്കിലും പിന്നീട്, തന്റെ നഷ്ടപെട്ട ബാഗിനെ കുറിച്ചാണ് അദ്ദേഹം പറയുന്നത് എന്ന് മനസിലായി. ഖദീജ ഇത് അന്വേഷിച്ച് ഇവിടേക്ക് എത്തുകയായിരുന്നു.

തന്റെ ഹാര്‍ഡ് ഡിസ്‌കിലെ ഡീറ്റെയില്‍സില്‍ നിന്നും തന്റെ സുഹൃത്തിന്റെ നമ്പര്‍ കണ്ടുപിടിച്ച്, അവരോട് ഖദീജയുടെ നമ്പര്‍ വാങ്ങിയാണ് ഈ ഷോപ്പുടമ ഖദീജയെ വിളിച്ചത്. അദ്ദേഹത്തിന്റെ അരികില്‍ ഈ ബാഗിലെ സാധനങ്ങള്‍ വില്‍ക്കാന്‍ ഒരാള്‍ എത്തിയപ്പോഴാണ് ഒരു സംശയം തോന്നിയ ഷോപ്പുടമ യഥാര്‍ത്ഥ ഉടമയെ കണ്ടെത്താനുള്ള ശ്രമങ്ങള്‍ നടത്തിയത്. ഈ വിവരങ്ങള്‍ ഖദീജ തന്നെയാണ് സോഷ്യല്‍ മീഡിയയില്‍ പങ്കുവെച്ചത്. ബാഗ് തിരികെ കിട്ടിയതില്‍ ഏറെ സന്തോഷമുണ്ടെന്നും ഖദീജ പറയുന്നു.