പിണറായി വിറയ്ക്കുന്നു പൊലീസുകാരുടെ തല പൊട്ടിച്ചു കോട്ടയത്ത് തെരുവ് യുദ്ധം ദേശീയ നേതൃത്വം ഇറങ്ങി ജലപീരങ്കിയും കണ്ണീര്വാതകവും പ്രയോയോഗിച്ചു
കോണ്ഗ്രസ്, യൂത്ത് കോണ്ഗ്രസ് നേതാക്കളെ സിപിഎം പ്രവര്ത്തകര് മര്ദിച്ചതില് പ്രതിഷേധിച്ച് യുഡിഎഫ് കലക്ടറേറ്റിലേക്ക് നടത്തിയ മാര്ച്ചില് സംഘര്ഷം. പ്രവര്ത്തകര്ക്കുനേരെ പൊലീസ് ലാത്തിച്ചാര്ജ് നടത്തി. ജലപീരങ്കിയും കണ്ണീര്വാതകവും പ്രയോഗിച്ചു. പ്രവര്ത്തകര് കലക്ടറേറ്റിലേക്കു തുടര്ച്ചായി കല്ലും വടിയും എറിഞ്ഞു. കോട്ടയം നഗരത്തില് ഗതാഗതം സ്തംഭിച്ചു.
ഈസ്റ്റ് പൊലീസ് സ്റ്റേഷനിലേക്കും മാര്ച്ച് നടത്തി. കല്ലേറില് കോട്ടയം ഡിവൈഎസ്പി ജെ.സന്തോഷ് കുമാറിനും കോണ്ഗ്രസ് പ്രവര്ത്തകര്ക്കും പരുക്കേറ്റു. കണ്ണീര്വാതക പ്രയോഗത്തില് തിരുവ!ഞ്ചൂര് രാധാകൃഷ്ണന് എംഎല്എയ്ക്ക് ദേഹാസ്വാസ്ഥ്യമുണ്ടായി.
കഴിഞ്ഞ ദിവസം വയനാട്ടില് രാഹുല് ഗാന്ധിയുടെ എംപി ഓഫിസിനു നേരെയുള്ള അക്രമത്തില് പ്രതിഷേധിച്ച് യൂത്ത് കോണ്ഗ്രസ് പ്രവര്ത്തകര് കോട്ടയം നഗരത്തില് നടത്തിയ പ്രകടനത്തിനിടെ ഡിവൈഎഫ്ഐ പ്രവര്ത്തകരുമായുള്ള സംഘര്ഷത്തില് യൂത്ത് കോണ്ഗ്രസ് ജില്ലാ പ്രസിഡന്റ് ചിന്റു കുര്യന് ഉള്പ്പെടെ പരുക്കേറ്റിരുന്നു. ഇതില് പ്രതിഷേധിച്ചാണ് ഇന്നു കലക്ടറേറ്റിലേക്ക് മാര്ച്ച് നടത്തിയത്.
കോട്ടയത്ത് കളക്ട്രേറ്റിലേക്കുള്ള കോണ്ഗ്രസ് മാര്ച്ചിനിടെ സംഘര്ഷം. മാര്ച്ച് ഉദ്ഘാടനം ചെയ്ത് പിസി വിഷണുനാഥ് അടക്കമുള്ള നേതാക്കള് മടങ്ങിയതിന് പിന്നാലെയാണ് സംഘര്ഷമുണ്ടായത്. പൊലീസ് സ്ഥാപിച്ച ബാരിക്കേഡുകള് മറികടന്ന് പ്രവര്ത്തകര് കളക്ട്രേറ്റിലേക്ക് കയറാന് ശ്രമിച്ചത് പൊലീസ് സംഘം തടഞ്ഞു. പിന്നാലെ യൂത്ത് കോണ്ഗ്രസ് പ്രവര്ത്തകര് കലക്ടറേറ്റിലേക്ക് മരക്കഷ്ണവും കല്ലുകളുമെറിഞ്ഞു. പൊലീസുമായി ഉന്തും തള്ളുമുണ്ടായി.പിന്നാലെയാണ് സംഘര്ഷത്തിലേക്ക് എത്തിയത്. സ്ഥിതി രൂക്ഷമായതോടെ പൊലീസ് ലാത്തി വീശി. ജലപീരങ്കിയും കണ്ണീര്വാതകവും പ്രയോഗിച്ചു.
എട്ട് കോണ്ഗ്രസ് പ്രവര്ത്തകര്ക്കും മൂന്ന് പൊലീസ് ഉദ്യോഗസ്ഥര് ഒരു മാധ്യമ പ്രവര്ത്തകക്കും പരിക്കേറ്റു. യൂത്ത് കോണ്ഗ്രസ് സംസ്ഥാന ജനറല് സെക്രട്ടറി ബിനു ചുള്ളിയില്, നിയോജക മണ്ഡലം പ്രസിഡന്റ് രാഹുല്, വൈശാഖ്, നിബു സിജോ, ആന്റോ, അനൂപ് , മനു എന്നീ പ്രവര്ത്തകര്ക്കും മാധ്യമ പ്രവര്ത്തക അനീറ്റ മരിയ ഷാജി ഡിവൈഎസ്പി സന്തോഷ് കുമാര്, എസ് ഐ ശ്രീജിത്ത്, എഎസ്ഐ പ്രതാപ് ജോസ് എന്നിവര്ക്കാണ് പരിക്കേറ്റത്.
നൂറിലേറെ യൂത്ത് കോണ്ഗ്രസ് പ്രവര്ത്തകരാണ് കളക്ട്രേറ്റിന് മുന്നില് പ്രതിഷേധിച്ചത്. എന്നാല് ഇവരെ നിയന്ത്രിക്കാന് പതിനഞ്ചോളം പൊലീസുകാര് മാത്രമേ കളക്ട്രേറ്റിന് മുന്നിലുണ്ടായിരുന്നുള്ളു. സംഘര്ഷ സാധ്യത പൊലീസ് പ്രതീക്ഷിച്ചിരുന്നില്ലെന്ന് വ്യക്തമാണ്. കലക്ടറേറ്റിനു മുന്നിലെ ഇടതു സംഘടനകളുടെ ഫ്ളക്സ് യൂത്ത് കോണ്ഗ്രസ് പ്രവര്ത്തകര് നശിപ്പിച്ചു.
https://www.facebook.com/Malayalivartha
