ഞങ്ങളെയങ്ങ് തോല്പ്പിച്ചു കളയാമെന്ന് കരുതിയാല് ആത്മരക്ഷക്കൊരു പിടിത്തം ഞങ്ങളങ്ങ് പിടിക്കും. ക്ഷമ നശിച്ചാല് ഒറ്റ സിപിഎമ്മുകാരനും വെളിയിലിറങ്ങി നടക്കില്ല; വെല്ലുവിളിച്ച് സുധാകരന്
രാഹുല് ഗാന്ധിയുടെ ഓഫീസ് എസ്എഫ്ഐ പ്രവര്ത്തകര് ആക്രമിച്ചതുമായി ബന്ധപ്പെട്ട് കോണ്ഗ്രസ് നടത്തിയ പ്രതിഷേധപ്രകടനത്തില് രൂക്ഷ പ്രതികരണവുമായി കെ സുധാകരന് കേരളത്തില് ഒരു ദേശീയ നേതാവിന്റെ ഓഫീസ് ആക്രമിച്ച ആദ്യത്തെ സംഭവമാണ് വയനാട്ടിലേതെന്ന് കെപിസിസി അധ്യക്ഷന് കെ. സുധാകരന്. ഇതിനുമുമ്പ് സമാനമായൊരു സംഭവം ഉണ്ടായിട്ടില്ലെന്നും കെ. സുധാകരന് പറഞ്ഞു. ഇല്ലാത്ത കാരണം പറഞ്ഞാണ് രാഹുല് ഗാന്ധിയുടെ ഓഫീസ് എസ്എഫ്ഐയുടെ കുട്ടികള് തകര്ത്തത്. ഇതിന്റെ പിറകില് ഒരു ചാലകശക്തിയുണ്ട്. ജനങ്ങളുടെ പ്രശ്നങ്ങള് ഭരിക്കുന്നവരുടെ മുമ്പില് എത്തിക്കേണ്ടത് ജനപ്രതിനിധികളാണ്. രാഹുല് ഗാന്ധി അത് ചെയ്തിട്ടുണ്ട്. ബഫര്സോണ് വിഷയത്തില് ഭരണത്തിലുള്ള സര്ക്കാരിനും ഉത്തരവാദിത്വമില്ലേയെന്നും കെ. സുധാകരന് ചോദിച്ചു.
ഓഫീസില് വന്നത് സമരം ചെയ്യാനല്ല, അടിച്ചുപൊളിക്കാനാണ്. കുരങ്ങന്മാര് കയറുന്നത് പോലെ ജനലിലും ജനലിന്റെ കമ്പിയും പിടിച്ചാണ് കടന്നു പോകുന്നത്. ഇത്രയും വലിയ അവിവേകം കാണിച്ച ഒരു വിദ്യാര്ഥി സംഘടന ഇതുപോലൊരു സമരമുഖത്ത് കടന്നു വന്നത് അത്ഭുതം എന്നല്ലാതെ പറയാന് നിര്വാഹമില്ല. യു.ഡി.എഫിന് പ്രതിരോധിക്കാനറിയാം. ഞങ്ങളെയങ്ങ് തോല്പ്പിച്ചു കളയാമെന്ന് കരുതിയാല് ആത്മരക്ഷക്കൊരു പിടിത്തം ഞങ്ങളങ്ങ് പിടിക്കും. ആ പിടിത്തം പിടിച്ചാല് ഇവിടത്തെ ഒരു സിപിഎമ്മുകാരനും ഇറങ്ങി വെളിയില് നടക്കാന് സമ്മതിക്കില്ലെന്നും അദ്ദേഹം കൂട്ടിച്ചേര്ത്തു. അതേസമയം ഉത്തരവാദിത്വം നിറവേറ്റാന് സാധിക്കുന്നില്ലെങ്കില് പോലീസ് കാക്കിയുടുപ്പ് അഴിച്ചുവെച്ച് പുറത്ത് പോകണമെന്നും അദ്ദേഹം പറഞ്ഞു. ഒരുഭാഗത്ത് നരേന്ദ്ര മോദിയുമായി അവിഹിത ബന്ധം, അദ്ദേഹത്തിന്റെ സ്വാധീനത്തിലൂടെ ഇ.ഡിയുടെ അന്വേഷണങ്ങള് ഒഴിവാക്കുക. എല്ലാ കാര്യങ്ങളും നേടിയെടുക്കുക. അതേ ബിജെപി സര്ക്കാരിനെ കൊണ്ട് ചെയ്യിക്കേണ്ട ബഫര്സോണ് കാര്യം രാഹുല് ഗാന്ധി ചെയ്യണം എന്ന് പറഞ്ഞ് സമരമുഖത്ത് രംഗത്തെത്തിയത് എന്തിനെന്ന് മനസ്സിലാകുന്നില്ലെന്നും അദ്ദേഹം പറഞ്ഞു.
https://www.facebook.com/Malayalivartha
