'കോണ്‍ഗ്രസുകാര്‍ ഒന്നല്ല ആയിരം പിടിപിടിച്ചാലും തങ്ങളുടെ രോമത്തിന് പോലും ഏല്‍ക്കില്ല'; കെ സുധാകരന്റെ പ്രസ്താവനക്ക് മറുപടി; അവിഷിത്തിനേയും വിശുദ്ധനാക്കി; സിപിഎമ്മിന്റെ അടുത്ത നാടകം ഇങ്ങനെ...
കെപിസിസി അധ്യക്ഷന്‍ കെ.സുധാകരന്റെ പ്രസ്താവനയില്‍ മറുപടിയുമായി സി.പി.എം വയനാട് ജില്ലാ സെക്രട്ടറി പി ഗഗാറിന്‍ രംഗത്ത്. എസ്എഫ്‌ഐ പ്രവര്‍ത്തകര്‍ രാഹുല്‍ ഗാന്ധി എംപിയുടെ ഓഫീസ് ആക്രമിച്ചതിന് പിന്നാലെയാണ് കെ.സുധാകരന് വിവാദ പരാമര്‍ശം നടത്തിയത്. കോണ്‍ഗ്രസ് ഒരു പിടിപിടിച്ചാല്‍ സിപിഎമ്മുകാര്‍ പുറത്തിറങ്ങില്ല എന്നായിരുന്നു അദ്ദേഹം പറഞ്ഞത്.
ഇതിനെതിരെയാണ് ഗഗാറിന്‍ എത്തിയത്. കെ സുധാകരന് സിപിഎമ്മിനെ മനസ്സിലാകാത്തത് കൊണ്ടാണ് ഇത്തരമൊരു പ്രസ്താവന നടത്തിയത്. ഒരുപിടിയല്ല ആയിരം പിടിപിടിച്ചാലും തങ്ങളുടെ രോമത്തിന് പോലും ഏല്‍ക്കില്ലെന്ന് ഗഗാറിന്‍ പറഞ്ഞു.
തങ്ങള്‍ക്ക് സമരം നടത്തുമെന്ന കാര്യം അറിയാമായിരുന്നു എന്നും എന്നാല്‍ അക്രമം നടന്നത് പാര്‍ട്ടി അറിഞ്ഞുകൊണ്ടല്ലെന്നും അദ്ദേഹം ചൂണ്ടിക്കാട്ടി. മാത്രമല്ല എംപിയുടെ ഓഫീസ് ആക്രമിച്ചതേ തെറ്റാണെന്ന് അദ്ദേഹം സമ്മതിക്കുകയും സംഭവത്തെ ഗൗരവത്തോടെ കാണുന്നുവെന്നും അദ്ദേഹം മാധ്യമങ്ങളോട് പറഞ്ഞു.സിപിഎം സംസ്ഥാന സമിതിയില്‍ ജില്ലാ നേതൃത്വത്തെ വിമര്‍ശിച്ചിട്ടില്ലെന്നും അദ്ദേഹം വ്യക്തമാക്കി.
അതേസമയം രാഹുലിന്റെ ഓഫിസിലെ ഗാന്ധിചിത്രം ഉടച്ചത് സിപിഎമ്മുകാരല്ല എന്നും അതിന് പിന്നില്‍ കോണ്‍ഗ്രസുകാരാണെന്നും അദ്ദേഹം കൂട്ടിച്ചേര്‍ത്തു. കൂടാതെ അക്രമത്തിന് പിന്നാലെ മന്ത്രി വീണാ ജോര്‍ജ്ജിന്റെ സ്റ്റാഫ് അംഗങ്ങളില്‍ നിന്നും പിരിച്ചുവിട്ട അവിഷിത്തിനെ പിന്തുണച്ചും അദ്ദേഹം സംസാരിച്ചു.
എസ്എഫ്‌ഐ മാര്‍ച്ചിലും അക്രമ സംഭവങ്ങളിലും അവിഷിത്ത് പങ്കെടുത്തിരുന്നില്ല. മറിച്ച് വിദ്യാര്‍ത്ഥികളെ പിരിച്ചുവിടാനായാണ് അയാള്‍ അവിടേക്ക് എത്തിയതെന്നും ഗഗാറിന്‍ ചൂണ്ടിക്കാട്ടി. അവിഷിത്തിന്റെ ഫേയ്‌സ്ബുക്ക് പോസ്റ്റുമായി പാര്‍ട്ടിക്ക് ബന്ധമില്ലെന്നും അദ്ദേഹം കൂട്ടിച്ചേര്‍ത്തു.
https://www.facebook.com/Malayalivartha
