കാപ്പ നിയമം ലംഘിച്ചതിന് ഗുണ്ട നേതാവ് പല്ലന് ഷൈജു വീണ്ടും അറസ്റ്റില്... നെല്ലായില് വെച്ച് കൊടകര പൊലീസ് ആണ് അറ്സ്റ്റ് ചെയ്തത്
ഗുണ്ട നേതാവ് പല്ലന് ഷൈജു കാപ്പ നിയമം ലംഘിച്ചതിന് വീണ്ടും അറസ്റ്റിലായി . നെല്ലായില് വെച്ച് കൊടകര പൊലീസ് ആണ് അറ്സ്റ്റ് ചെയ്തത്.
സാമൂഹിക മാധ്യമങ്ങളിലൂടെ പൊലീസിനെ വെല്ലുവിളിച്ച് മുങ്ങിയ പല്ലന് ഷൈജു കഴിഞ്ഞ ഫെബ്രുവരിയിലും അറസ്റ്റിലായിരുന്നു. മലപ്പുറം കോട്ടക്കല് പൊലീസ് വയനാട്ടിലെ റിസോര്ട്ടില് നിന്നാണ് അന്ന് ഷൈജുവിനെ അറസ്റ്റ് ചെയ്തത്. പിന്നീട് ജാമ്യത്തിലിറങ്ങുകയായിരുന്നു. കുപ്രസിദ്ധ ഗുണ്ട കോടാലി ഷൈജുവിന്റെ കൂട്ടാളിയായിരുന്നു പല്ലന് ഷൈജു.
പൊലീസിനെ വെല്ലുവിളിച്ച് കൊണ്ട് പല്ലന് ഷൈജുവിട്ട വീഡിയോ സമൂഹ മാധ്യമങ്ങളില് പ്രചരിച്ചിരുന്നു. 'ഞാനിപ്പോ കടലിലാ.. നാട്ടിലല്ലേ നില്ക്കാന് പറ്റാത്തതുള്ളൂ. കൃഷ്ണന്കോട്ട പാലം കഴിഞ്ഞാ പിന്നെ അവന്റെ അപ്പന്റെ വകയൊന്നുവല്ല. ഇതിപ്പോ എറണാകുളം ജില്ലയിലാ... തൃശൂര് ജില്ലയിലെ പോസ്റ്റോഫീസൊക്കെ പല്ലന് ഷൈജൂന് നന്നായറിയാം. അതുകൊണ്ട് എനിക്ക് ഒന്നുമില്ല. എല്ലാവര്ക്കും വണക്കം, വന്ദനം. നമുക്ക് വീണ്ടും കാണാം. എന്ന് പറയുന്ന രണ്ട് മിനുട്ടോളം ദൈര്ഘ്യം വരുന്ന വീഡിയോയിലായിരുന്ന പൊലീസിനെതിരെയുളള വെല്ലുവിളി.
കൊടകര, പുതുക്കാട്, തൃശ്ശൂര് ഈസ്റ്റ്, നെടുപുഴ, എറണാകുളം ചെങ്ങമനാട്, സുല്ത്താന് ബത്തേരി, തിരുനെല്ലി എന്നീ പോലീസ് സ്റ്റേഷനുകളിലും കേരളത്തിനു പുറത്ത് ഗുണ്ടല്പേട്ട് സ്റ്റേഷനിലും ഇയാള്ക്കെതിരെ കേസുകളുണ്ട്.
കുഴല്പ്പണം കൊണ്ടുപോകുന്ന വാഹനങ്ങള് തിരഞ്ഞു പിടിച്ച് തടഞ്ഞുനിര്ത്തി കൊള്ളയടിച്ച ശേഷം കുഴല്പ്പണവുമായി പറക്കുന്നതാണ് പല്ലന് ഷൈജുവിന്റെ രീതി.
വിലക്ക് മറികടന്ന ജില്ലയില് പ്രവേശിച്ചെന്ന് തെളിഞ്ഞാല് മൂന്നു വര്ഷം വരെ വിചാരണ കൂടാതെ തടവില് പാര്പ്പിക്കാനും വകുപ്പിലുണ്ട്. തൃശൂര് റൂറല് പൊലീസാണ് ഷൈജുവിനെ ഗുണ്ടാനിയമമായ കാപ്പ ചുമത്തി ഒരു വര്ഷത്തേക്ക് നാടു കടത്തിയത്.
"
https://www.facebook.com/Malayalivartha