രഹസ്യ മൊഴി ഇഡിയ്ക്ക് കൈമാറുന്നത് എന്തുകൊണ്ടാണ് കസ്റ്റംസ് എതിര്‍ക്കുന്നത് എന്നുള്ളത് വളരെ ദുരൂഹമായി തുടരുന്നൊരു കാര്യമാണ്. കേന്ദ്ര ഏജന്‍സിയാണ് എങ്കില്‍ കൂടി മുമ്പും പിണറായി വിജയന് അനുകൂലമായ പ്രസ്ഥാവനകള്‍ നടത്തിയിട്ടുണ്ട് കസ്റ്റംസ്. മാത്രമല്ല ഈ അന്വേഷണം എങ്ങും എത്താത്ത നിലയിലാണെന്ന വിമര്‍ശനവുമുണ്ട്. എന്നാല്‍ ഇഡിയ്ക്ക് കേസേറ്റെടുത്ത് മുന്നോട്ടു പോകേണ്ട ഒരു സാഹചര്യം നിലവില്‍ ഉണ്ടായിരുന്നിട്ടും അത് നടക്കാത്തത്. കസ്റ്റംസിന്റെ കടും പിടിത്തം കൊണ്ടാണ്. കസ്റ്റംസ് അന്വേഷണം പൂര്‍ത്തിയാക്കിയ സാഹചര്യത്തില്‍ രഹസ്യ മൊഴി ഇഡിയ്ക്ക് കൈമാറാന്‍ തടസ്സമൊന്നുമില്ലെന്ന് കോടതി പറഞ്ഞിട്ടും കസ്റ്റംസ് അതിനെ എതിര്‍ക്കുകയാണ്. ഇത് സംശയകരമാണെന്ന വിമര്‍ശനങ്ങള്‍ക്കിടയില്‍.

കസ്റ്റംസിനെതിരെ വളരെ ഗുരുതരമായ ആരോപണങ്ങളുമായി രംഗത്തെത്തിയിരിക്കുകയാണ് ആര്‍എസ്എസ്. സ്വര്‍ണ്ണക്കടത്ത് അന്വേഷണത്തില്‍ കസ്റ്റംസിനെതിരെ ആര്‍എസ്എസ് വാരികയിലെ ലേഖനത്തിലാണ് വളരെ ഗുരുതരമായ ആരോപണങ്ങള്‍ കസ്റ്റംസിനെതിരെ ഉയര്‍ത്തുന്നത്. മുഖ്യമന്ത്രിക്കെതിരെ സ്വപ്ന സുരേഷ് നല്‍കിയ രഹസ്യമൊഴി കസ്റ്റംസിലെ തന്നെ ഇടത് സാഹയാത്രികര്‍ മുക്കിയെന്നാണ് കേസരിയിലെ കുറ്റപ്പെടുത്തല്‍. സംസ്ഥാന ബിജെപി നേതൃത്വം മാറ്റി നിര്‍ത്തിയ മുന്‍ വക്താവ് പി.ആര്‍ ശിവശങ്കറിന്റെ കവര്‍‌സ്റ്റോറിയിലാണ് വിമര്‍ശനമെന്നതും പ്രധാനമാണ്.

സ്വര്‍ണ്ണക്കടത്തില്‍ മുഖ്യമന്ത്രിക്കെതിരായ സ്വപ്നസുരേഷിന്റെ വെളിപ്പെടുത്തലില്‍ ദേശീയ അന്വേഷണ ഏജന്‍സികള്‍ എന്ത് ചെയ്തുവെന്നാണ് പ്രതിപക്ഷം ആവര്‍ത്തിക്കുന്ന പ്രധാന ചോദ്യം. രണ്ടാം സ്വര്‍ണ്ണക്കടത്ത് വിവാദത്തിലും സിപിഎമ്മും ബിജെപിയും തമ്മില്‍ ഒത്ത് തീര്‍പ്പുണ്ടായെന്ന പ്രതിപക്ഷ ആരോപണം മുറുകുമ്പോഴാണ് ആര്‍എസ്എസ് വാരിക കംസ്റ്റസിനെതിരെ രംഗത്തുവന്നത്.

'മാരീചന്‍ വെറുമൊരു മാനല്ലെന്ന' ശിവശങ്കറിന്റെ കവര്‍‌സ്റ്റോറി കസ്റ്റംസിനെതിരെ ഉന്നയിക്കുന്നത് ഗുരുതര ആരോപണമാണ്. 'ബിരിയാണി നയതന്ത്ര' തെളിവുകള്‍ കസ്റ്റംസിലെ ഇടത് സഹയാത്രികര്‍ നശിപ്പിക്കുകയോ മുക്കുകയോ ചെയ്‌തെന്നാണ് ലേഖനത്തിലെ പ്രധാന ആരോപണം. സ്വപ്നയുടെ ഇപ്പോഴത്തെ രഹസ്യമൊഴി കസ്റ്റംസിന് നേരത്തെ നല്‍കിയതാണ്. ഇഡി ആവശ്യപ്പെട്ടിട്ടും സ്വപ്നയുടെ രഹസ്യമൊഴി കസ്റ്റംസ് കൈമാറാത്തത് രഹസ്യമൊഴി മുക്കിയെന്ന ആരോപണം സാധൂകരിക്കുന്നതാണ്. ശിവശങ്കര്‍ തന്റെ പുസ്തകത്തില്‍ കസ്റ്റംസിനെ കുറഞ്ഞ രീതിയില്‍ മാത്രം വിമര്‍ശിക്കുന്നതും മുഖ്യമന്ത്രിയുടെ ഓഫീസ് ഇടപെട്ടിട്ടില്ലെന്ന് കസ്റ്റംസ് ഉദ്യോഗസ്ഥന്‍ നേരത്തെ മാധ്യമങ്ങളോട് പറഞ്ഞതും ലേഖനം ഉദാഹരണങ്ങളാക്കുന്നു.

സംസ്ഥാന സര്‍ക്കാര്‍ ഇഡിക്കെതിരെ മാത്രമാണ് കടുപ്പിക്കുന്നതെന്ന ആരോപണവുണ്ട്. സ്വര്‍ണ്ണക്കടത്ത് വിവാദത്തില്‍ സംസ്ഥാന ആര്‍എസ് സിനുള്ള അതൃപ്തി തന്നെയാണ് മുഖവാരികയിലെ മുഖലേഖനം. ബിജെപി സംസ്ഥാന നേതൃത്വം വക്താവ് സ്ഥാനത്തു നിന്നും പാര്‍ട്ടി പരിപാടികളില്‍ നിന്നും ഒഴിവാക്കിയ പിആര്‍ ശിവശങ്കറിനെ കൊണ്ട് കവര്‍‌സ്റ്റോറി എഴുതിപ്പിച്ചതും പാര്‍ട്ടിക്കുള്ള കുത്ത് തന്നെ.

അതേസമയം ഡോളര്‍ക്കടത്തു കേസില്‍ കസ്റ്റംസിന് നല്‍കിയ രഹസ്യമൊഴിയുടെ പകര്‍പ്പ് ആവശ്യപ്പെട്ട് കോടതിയെ സമീപിക്കാന്‍ ഒരുങ്ങി സ്വപ്ന സുരേഷ്. മൊഴി ഇഡിക്ക് കൈമാറുന്നതിനെ കസ്റ്റംസ് എതിര്‍ത്ത സാഹചര്യത്തിലാണ് സ്വപ്‌നയുടെ നീക്കം.

ഡോളര്‍ക്കടത്ത് കേസില്‍ സ്വപ്‌ന നല്‍കിയ രഹസ്യ മൊഴി ഇഡി ആവശ്യപ്പെട്ടെങ്കിലും കസ്റ്റംസിന്റെ എതിര്‍പ്പ് മൂലം കോടതി നല്‍കിയിട്ടില്ല. ആദ്യ ഘട്ടത്തില്‍ രഹസ്യ മൊഴി വിട്ടു നില്‍കുന്നതില്‍ എതിര്‍പ്പില്ലെന്ന് നിലപാടെടുത്ത കസ്റ്റംസ് പിന്നീട് കോടതിയില്‍ നിലപാട് മാറ്റുകയായിരുന്നു. അന്വേഷണം പൂര്‍ത്തിയായില്ലെന്ന് ചൂണ്ടിക്കാട്ടിയാണ് കസ്റ്റംസ് ഇഡിയെ ആവശ്യത്തെ എതിര്‍ത്തത്.കസ്റ്റംസിനോട് പറഞ്ഞ കാര്യങ്ങളാണ് താന്‍ കോടതിയോട് പറഞ്ഞതെന്ന് മാധ്യമങ്ങള്‍ മുന്നില്‍ സ്വപ്ന പറഞ്ഞിരുന്നു. അതിന്റെ ചുവടുപിടിച്ചാണ് രഹസ്യമൊഴി ആവശ്യപ്പെട്ട് ഇഡി കോടതിയെ സമീപിച്ചത്. രഹസ്യമൊഴി മറ്റൊരു അന്വേഷണ ഏജന്‍സിക്ക് നല്‍കുന്നതിനെ എതിര്‍ക്കുന്ന കസ്റ്റംസ് നിലപാടില്‍ ദുരൂഹതയുണ്ടെന്നാണ് സ്വപ്‌നയുടെ ആരോപണം.

ഡോളര്‍ക്കടത്ത് കേസില്‍ സ്വപ്‌ന നല്‍കിയ രഹസ്യ മൊഴി ഇഡി ആവശ്യപ്പെട്ടെങ്കിലും കസ്റ്റംസിന്റെ എതിര്‍പ്പ് മൂലം കോടതി നല്‍കിയിട്ടില്ല. ആദ്യ ഘട്ടത്തില്‍ രഹസ്യ മൊഴി വിട്ടു നില്‍കുന്നതില്‍ എതിര്‍പ്പില്ലെന്ന് നിലപാടെടുത്ത കസ്റ്റംസ് പിന്നീട് കോടതിയില്‍ നിലപാട് മാറ്റുകയായിരുന്നു. അന്വേഷണം പൂര്‍ത്തിയായില്ലെന്ന് ചൂണ്ടിക്കാട്ടിയാണ് കസ്റ്റംസ് ഇഡിയെ ആവശ്യത്തെ എതിര്‍ത്തത്.

കസ്റ്റംസിനോട് പറഞ്ഞ കാര്യങ്ങളാണ് താന്‍ കോടതിയോട് പറഞ്ഞതെന്ന് മാധ്യമങ്ങള്‍ മുന്നില്‍ സ്വപ്ന പറഞ്ഞിരുന്നു. അതിന്റെ ചുവടുപിടിച്ചാണ് രഹസ്യമൊഴി ആവശ്യപ്പെട്ട് ഇഡി കോടതിയെ സമീപിച്ചത്. രഹസ്യമൊഴി മറ്റൊരു അന്വേഷണ ഏജന്‍സിക്ക് നല്‍കുന്നതിനെ എതിര്‍ക്കുന്ന കസ്റ്റംസ് നിലപാടില്‍ ദുരൂഹതയുണ്ടെന്നാണ് സ്വപ്‌നയുടെ ആരോപണം