സെക്രട്ടേറിയറ്റിലെ കെട്ടിക്കിടക്കുന്ന ഫയല് തീര്പ്പാക്കാന് ഞായറാഴ്ചയിലെ (ജൂലൈ മൂന്ന്) അവധി ഒഴിവാക്കി എല്ലാ ജീവനക്കാരും ജോലിക്ക് ഹാജരാകണമെന്ന് പൊതുഭരണവകുപ്പിന്റെ സര്ക്കുലര്
സെക്രട്ടേറിയറ്റിലെ കെട്ടിക്കിടക്കുന്ന ഫയല് തീര്പ്പാക്കാന് ഞായറാഴ്ചയിലെ (ജൂലൈ മൂന്ന്) അവധി ഒഴിവാക്കി എല്ലാ ജീവനക്കാരും ജോലിക്ക് ഹാജരാകണമെന്ന് പൊതുഭരണവകുപ്പിന്റെ സര്ക്കുലര്. മുഖ്യമന്ത്രിയുടെ നിര്ദേശ പ്രകാരം ഫയല് തീര്പ്പാക്കല് യജ്ഞത്തിന്റെ ഭാഗമായാണ് സര്ക്കുലര് ഇറങ്ങിയത്.
ഇതുസംബന്ധിച്ച് സെക്രട്ടേറിയറ്റിലെ സര്വിസ് സംഘടന നേതാക്കളുമായി പൊതുഭരണവകുപ്പ് പ്രിന്സിപ്പല് സെക്രട്ടറി ജൂണ് 29ന് ചര്ച്ച നടത്തിയിരുന്നു. ഇതിന്റെകൂടി അടിസ്ഥാനത്തിലാണ് മൂന്നിന് പ്രവൃത്തിദിനമാക്കിയത്.
സെക്രട്ടേറിയറ്റ് പ്രവര്ത്തിക്കുന്ന സാഹചര്യത്തില് കാന്റീന്, സെക്രട്ടേറിയറ്റ് കോഫി ഹൗസ് എന്നിവ പ്രവര്ത്തിക്കുമെന്നും പൊതു ഭരണവകുപ്പിന്റെ സര്ക്കുലറില് പറയുന്നു.
സര്ക്കാര് ഓഫിസുകളില് കെട്ടിക്കിടക്കുന്ന ഫയലുകള് സെപ്റ്റംബര് 30 നകം തീര്പ്പാക്കണമെന്ന് മുഖ്യമന്ത്രി നേരത്തേ നിര്ദേശിച്ചിരുന്നു. മാസത്തിലെ ഒരുഅവധി ദിവസം പ്രവൃത്തി ദിവസമാക്കി ഫയല് തീര്പ്പാക്കണമെന്നും ഫയലുകള് യാന്ത്രികമായി തീര്പ്പാക്കുന്ന അവസ്ഥയുണ്ടാകരുതെന്നും മുഖ്യമന്ത്രി വ്യക്തമാക്കി. നിയമസഭ സമ്മേളനം, ഓണാവധി എന്നിവ വരുന്നതിനാലാണ് സെപ്റ്റംബര് 30 എന്ന തിയതി നിശ്ചയിച്ചിട്ടുള്ളത്.
https://www.facebook.com/Malayalivartha
