പെട്രോളിയം ഉല്‍പന്നങ്ങളുടെ വില വര്‍ധനവിന് പിന്നാലെ മണ്ണെണ്ണയുടെ വിലയിലും വര്‍ദ്ധനവ്.....ലിറ്ററിന് 102 രൂപ, സാധാരണക്കാര്‍ നെട്ടോട്ടത്തില്‍.

14 രൂപയുടെ വര്‍ധനവാണ് കേന്ദ്രം വരുത്തിയത്. ഇതോടെ ലിറ്ററിന് 102 രൂപയായി. മേയില്‍ ഒരു ലിറ്റര്‍ മണ്ണെണ്ണയുടെ വില 84 രൂപയായിരുന്നു. ജൂണില്‍ 4 രൂപ വര്‍ധിച്ച് 88 രൂപയായി.

ഈ മാസം ഒന്നു മുതലാണ് ലിറ്ററിന് 14 രൂപ വര്‍ധിച്ച് 102 രൂപയാത്. മണ്ണെണ്ണയുടെ അടിസ്ഥാനവിലയോടൊപ്പം കടത്തുകൂലി, ഡീലേഴ്സ് കമ്മീഷന്‍, സി.ജി.എസ്.ടി, എസ്.ജി.എസ്.ടി. എന്നിവ കൂട്ടിച്ചേര്‍ത്ത വിലയ്ക്കാണ് റേഷന്‍കടകളില്‍നിന്നു മണ്ണെണ്ണ വിതരണം ചെയ്യുന്നത്.


കഴിഞ്ഞ മാസം കേന്ദ്രം വില 88 രൂപയാക്കിയെങ്കിലും കേരള സര്‍ക്കാര്‍ മണ്ണെണ്ണ വില വര്‍ധിപ്പിച്ചിരുന്നില്ല. ഇപ്പോഴും 84 രൂപയ്ക്കാണ് റേഷന്‍കടകളിലൂടെ സബ്സിഡി മണ്ണെണ്ണ വിതരണം ചെയ്തത്. സ്റ്റോക്ക് തീരുംവരെ ഈ വിലയ്ക്കുതന്നെ കാര്‍ഡുടമകള്‍ക്ക് മണ്ണെണ്ണ വിതരണം ചെയ്യാന്‍ പൊതുവിതരണ വകുപ്പ് കമ്മിഷണര്‍ക്ക് നിര്‍ദേശം നല്‍കിയിട്ടുണ്ടെന്നും മന്ത്രി.