വാക്കുതര്ക്കം കയ്യാങ്കളിയായി..... കഴക്കൂട്ടത്ത് വാക്കുതര്ക്കത്തിനിടെ ആക്രിക്കാരന് ഗൃഹനാഥന്റെ വയറ്റില് ആഞ്ഞു ചവിട്ടി, ശക്തമായ ചവിട്ടേറ്റ് നിലത്തു വീണയാളെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല, ആക്രികച്ചവടക്കാരനെ കണ്ടെത്താനായി പോലീസ് തിരച്ചില് തുടങ്ങി
വാക്കുതര്ക്കം കയ്യാങ്കളിയായി..... കഴക്കൂട്ടത്ത് വാക്കുതര്ക്കത്തിനിടെ ചവിട്ടേറ്റ് ഗൃഹനാഥന് മരിച്ചു. കഴക്കൂട്ടത്ത് വാക്കുതര്ക്കത്തിനിടെയാണ് ചവിട്ടേറ്റ് ഗൃഹനാഥന് മരിച്ചത്. നെട്ടയകോണം സ്വദേശി ഭുവനചന്ദ്രന് (65) ആണ് മരിച്ചത്. ഒരു ആക്രിക്കാരനാണ് ഭുവനചന്ദ്രനെ ചവിട്ടിയതെന്നാണ് പോലീസ് പറയുന്നത്. ഇയാള്ക്കെതിരേ കേസെടുത്ത് അന്വേഷണം തുടങ്ങി.
കഴക്കൂട്ടത്ത് ഇന്നലെ രാവിലെ പത്തരയോടെയാണ് സംഭവം നടന്നത്. ഭുവനചന്ദ്രന് ഒരു വീട്ടില് ജോലി ചെയ്യുകയായിരുന്നു. ഈ വീടിന് സമീപമുള്ള കടയില് മറ്റൊരാളുമായി സംസാരിക്കുന്നതിനിടെയാണ് ആക്രിക്കാരനുമായി തര്ക്കമുണ്ടായത്. ഭുവനചന്ദ്രന് നില്ക്കുന്നതിന് സമീപത്തായി ആക്രിക്കാരന് തുപ്പിയത് ചോദ്യം ചെയ്തതോടെയാണ് ഇരുവരും തമ്മില് വാക്കുതര്ക്കമുണ്ടായതെന്ന് ദൃക്സാക്ഷി പറയുന്നു.
തര്ക്കത്തിനിടെ ആക്രിക്കാരന് ഭുവനചന്ദ്രന്റെ വയറിന് അടിഭാഗത്തായി ചവിട്ടുകയായിരുന്നു. ശക്തമായ ചവിട്ടേറ്റ് നിലത്തുവീണ ഭുവനചന്ദ്രനെ ചുറ്റുംകൂടിയ ആളുകളാണ് കഴക്കൂട്ടത്തെ ഒരു സ്വകാര്യ ആശുപത്രിയിലെത്തിച്ചത്. പിന്നീട് തിരുവനന്തപുരം മെഡിക്കല് കോളേജ് ആശുപത്രിയിലും പ്രവേശിച്ചു. ഇവിടെവച്ചാണ് മരണം സംഭവിച്ചത്.
ഭുവനചന്ദ്രനെ ചവിട്ടിയ ആക്രികച്ചവടക്കാരനെ കണ്ടെത്താനായി പോലീസ് തിരച്ചില് തുടങ്ങി. വൈകാതെ ഇയാളെ പിടികൂടാനാകുമെന്ന് പോലീസ് അറിയിച്ചു. ഭുവനചന്ദ്രന് നേരത്തെ കരളിന് ശസ്ത്രക്രിയ കഴിഞ്ഞ് തുടര് ചികിത്സയില് കഴിയുകയായിരുന്നു. വയറിനേറ്റ ചവിട്ട് ആന്തരിക രക്തസ്രാവത്തിന് കാരണമായിട്ടുണ്ടെന്നാണ് പ്രാഥമിക നിഗമനത്തിലുള്ളത്.
"
https://www.facebook.com/Malayalivartha