വിരമിക്കുന്ന ജീവനക്കാര്ക്ക് പകരം നിയമനം ഉണ്ടാകില്ല.... കെഎസ്ആര്ടിസിയിലെ സ്ഥിരനിയമനങ്ങള് ഒഴിവാക്കാന് നിര്ദേശം
വിരമിക്കുന്ന ജീവനക്കാര്ക്ക് പകരം നിയമനം ഉണ്ടാകില്ല.... കെഎസ്ആര്ടിസിയിലെ സ്ഥിരനിയമനങ്ങള് ഒഴിവാക്കാന് നിര്ദേശം. 5098 സ്ഥിരനിയമനങ്ങളാകും ഒഴിവാക്കുക. നിലവിലെ തീരുമാന പ്രകാരം വിരമിക്കുന്ന ജീവനക്കാര്ക്ക് പകരം നിയമനം ഉണ്ടാകില്ല. കെഎസ്ആര്ടിസിക്ക് പുതിയ ബസുകളോ നിയമനങ്ങളോ ഉണ്ടാകില്ല. പകരം സ്വിഫ്റ്റ് കമ്പനിക്ക് പുതിയ ബസുകള് നല്കുകയും അതിലേക്ക് കരാര് നിയമനങ്ങള് തുടരുകയും ചെയ്യുന്നതാണ്.
നിലവിലുള്ള ജീവനക്കാരെ കുറയ്ക്കാനാണ് പുതിയ നീക്കമുള്ളത് . ഡ്യൂട്ടി പരിഷ്കരണത്തിലൂടെയാവും ഇത് സാധ്യമാക്കുക. സാമ്പത്തികപ്രതിസന്ധി തരണം ചെയ്യുന്നതിന് മനേജ്മെന്റ് സര്ക്കാരിന് സമര്പ്പിച്ച റിപ്പോര്ട്ടിലാണ് ഈ നിര്ദ്ദേശങ്ങളുള്ളത്.
അതേസമയം കെഎസ്ആര്ടിസിയില് അഞ്ച് വര്ഷത്തിനിടെ വെട്ടിക്കുറച്ചത് 7992 തസ്തികകളാണ്. 26,036 ജീവനക്കാരാണ് 3776 ബസുകള് ഓടിക്കുന്നതിനായി ഇപ്പോള് ഉള്ളത്. സിംഗിള്ഡ്യൂട്ടി വ്യാപകമാക്കിയാല് 20,938 ജീവനക്കാരെക്കൊണ്ട് 4250 ബസുകള് ഓടിക്കാനാകും.
കണക്കുകള് പ്രകാരം 9552 ഡ്രൈവര്മാരും 9030 കണ്ടക്ടര്മാരുമാണുള്ളത്. പുതിയ സംവിധാനത്തിലേക്ക് മാറുമ്പോള് 7650 വീതം കണ്ടക്ടര്മാരും ഡ്രൈവര്മാരും മതിയാകും.
"
https://www.facebook.com/Malayalivartha