ചലച്ചിത്ര, പരസ്യ സംവിധായകന്‍ കെ.എന്‍. ശശിധരന്‍ അന്തരിച്ചു.... ഹൃദയാഘാതത്തെ തുടര്‍ന്ന് ഇടപ്പള്ളിയിലെ വസതിയില്‍ ഇന്ന് പുലര്‍ച്ചെയായിരുന്നു അന്ത്യം, സംസ്‌കാരം ഇന്ന് വൈകിട്ട്
ചലച്ചിത്ര, പരസ്യ സംവിധായകന്‍ കെ.എന്‍. ശശിധരന്‍ അന്തരിച്ചു.... ഹൃദയാഘാതത്തെ തുടര്‍ന്ന് ഇടപ്പള്ളിയിലെ വസതിയില്‍ ഇന്ന് പുലര്‍ച്ചെയായിരുന്നു അന്ത്യം.
പതിവുസമയം കഴിഞ്ഞിട്ടും ഉറക്കമെഴുന്നേല്‍ക്കാത്തതിനെ തുടര്‍ന്നു നോക്കിയപ്പോള്‍ മരിച്ചനിലയില്‍ കണ്ടെത്തുകയായിരുന്നു. ഡോക്ടറെത്തി മരണം സ്ഥിരീകരിച്ചു. സംസ്‌കാരം ഇന്നു വൈകിട്ട്. തൃശൂര്‍ ഗുരുവായൂര്‍ സ്വദേശിയാണ്. പുണെ ഫിലിം ഇന്‍സ്റ്റിറ്റ്യൂട്ടില്‍നിന്ന് ബിരുദം കരസ്ഥമാക്കിയ കെ.എന്‍. ശശിധരന്‍, 1984ല്‍ പി.കെ. നന്ദനവര്‍മ്മയുടെ അക്കരെ എന്ന നോവലിനെ അടിസ്ഥാനമാക്കി അതേ പേരില്‍ തന്നെ ആദ്യ ചിത്രമൊരുക്കി.
സിനിമയുടെ തിരക്കഥയും സംഭാഷണവും എഴുതിയതും ശശിധരന്‍ തന്നെയായിരുന്നു. 2014ല്‍ അനുപം ഖേര്‍, ബേബി അനിഖ തുടങ്ങിയവര്‍ അഭിനയിച്ച നയനയാണ് അവസാന ഫീച്ചര്‍ സിനിമ. 1985ല്‍ കാണാതായ പെണ്‍കുട്ടി എന്ന ചിത്രവും സംവിധാനം ചെയ്തു. ആദ്യകാലത്ത് സിനിമാ സംവിധാനത്തില്‍ ശ്രദ്ധ കേന്ദ്രീകരിച്ചെങ്കിലും പിന്നീട് പരസ്യ ചിത്രങ്ങളിലേയ്ക്കു തിരിഞ്ഞു.
ചില സന്ദര്‍ഭങ്ങളിലെങ്കിലും മലയാളിയുടെ നാവില്‍ ഓടിയെത്തുന്ന 'വന്നല്ലോ വനമാല' പരസ്യം ശശിധരന്റേതാണ്.
"
https://www.facebook.com/Malayalivartha
