സ്കൂളില്വെച്ച് വിദ്യാര്ത്ഥിക്ക് പാമ്പു കടിയേറ്റു, പതിനാലുകാരന് പാമ്പു കടിയേറ്റത് സ്കൂൾ കോമ്പൗണ്ടില് പന്ത് കളിക്കുന്നതിനിടെ
17 JULY 2022 04:23 PM IST
മലയാളി വാര്ത്ത
തൃശൂരിൽ സ്കൂളില്വെച്ച് പന്ത് കളിക്കുന്നതിനിടെ വിദ്യാര്ത്ഥിക്ക് പാമ്പു കടിയേറ്റു. ചൂണ്ടല് മറ്റം സെന്റ് ഫ്രാന്സിസ് ഹയര് സെക്കന്ഡറി സ്കൂളില് ആണ് സംഭവം. നാല് ഡോസ് ആന്റിവെനം നല്കിയ കുട്ടിക്ക് ആരോഗ്യ പ്രശ്നങ്ങള് ഒന്നുമില്ല. കുട്ടിയെ വാര്ഡിലേക്ക് മാറ്റി.
കഴിഞ്ഞ ദിവസം ഉച്ചയ്ക്ക് സ്കൂള് മുറ്റത്തുനിന്നും പാമ്പ് കടിയേറ്റ ചൂണ്ടല് സ്വദേശി ഗാന്റിലിന്റെ മകന് അമന് (14) കുന്നംകുളം മലങ്കര ആശുപത്രിയില് ചികിത്സയിലാണ്. നാട്ടുകാരും സ്കൂള് ജീവനക്കാരും സ്കൂളില് നടത്തിയ തെരച്ചിലില് സ്കൂള് കോമ്പൗണ്ടില്നിന്നും പാമ്പിനെ കണ്ടെത്തി.
പന്ത് കളിക്കുന്നതിനിടെ തെറിച്ചുപോയ പന്ത് എടുത്ത് ക്ലാസില് വന്നിരുന്നശേഷം കാലില് നോക്കിയപ്പോഴാണ് പാമ്പ് കടിച്ചതായ അടയാളം ശ്രദ്ധയില്പ്പെട്ടത്. ഉടന്തന്നെ കുട്ടിയെ ആശുപത്രിയില് പ്രവേശിപ്പിക്കുകയായിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
