മുഖ്യമന്ത്രിയും ഭാര്യയും യൂസഫലിയുടെ ഹെലിക്കോപ്റ്ററില്‍ തലസ്ഥാനത്ത് വന്നിറങ്ങിയത്
മുഖ്യമന്ത്രി പിണറായി വിജയനും ഭാര്യ കമല വിജയനും തലസ്ഥാനത്ത് വന്നിറങ്ങിയത് ലുലു ഗ്രൂപ്പിന്റെ മെഴ്‌സിഡസ് ബെന്‍സ് ശ്രേണിയിലെ എയര്‍ബസില്‍. ഉച്ചയ്ക്ക് രണ്ടരയോടെയാണ് അദ്ദേഹം ഹെലിക്കോപ്റ്ററില്‍ വന്നിറങ്ങിയത്. എറണാകുളത്ത് ഒരു സ്വകാര്യ ചാനലിന്റെ പരിപാടിയില്‍ പങ്കെടുത്ത ശേഷമാണ് കവടിയാര്‍ ഗോള്‍ഫ് ക്ലബിന് സമീപത്തെ ഗ്രൗണ്ടില്‍ ഇറങ്ങിയത്. എറണാകുളത്തെ പരിപാടിയില്‍ ലുലു ഗ്രൂപ്പ് ചെയര്‍മാന്‍ എം എ യൂസഫലിയും പങ്കെടുത്തിരുന്നു.
മഴ രൂക്ഷമാവുകയാണെങ്കില്‍ തിരുവനന്തപുരം വിമാനത്താവളത്തില്‍ ഹെലിക്കോപ്റ്റര്‍ ഇറക്കാനായിരുന്നു തീരുമാനം. എന്നാല്‍ മഴയില്ലാതിരുന്നതിനെ തുടര്‍ന്ന് ഗ്രൗണ്ടില്‍ ഇറക്കുകയായിരുന്നു. പൊലീസിലെ ഉന്നത ഉദ്യോഗസ്ഥരടക്കം അദ്ദേഹത്തെ സ്വീകരിക്കാന്‍ സ്ഥലത്തെത്തിയിരുന്നു. കഴിഞ്ഞ ദിവസം മുഖ്യമന്ത്രിയുടെ കാറിന് നേരെ യൂത്ത് കോണ്‍ഗ്രസ് പ്രവര്‍ത്തകര്‍ കരങ്കൊടി കാട്ടിയിരുന്നു. ഇതേത്തുടര്‍ന്നാണ് ഹെലിക്കോപ്റ്ററില്‍ എത്തിയതെന്നാണ് നിഗമനം.
https://www.facebook.com/Malayalivartha
