അരമണിക്കൂറിനുള്ളില്... ഗവര്ണറുടെ അധികാരം വെട്ടിക്കുറയ്ക്കാനിരുന്നവര്ക്ക് ശക്തമായ തിരിച്ചടി നല്കി ഗവര്ണര് ആരിഫ് മുഹമ്മദ് ഖാന്; അരമണിക്കൂറിനുള്ളില് നടപടിയെടുത്ത് പാര്ട്ടിയെ വെട്ടിലാക്കി; പ്രിയ വര്ഗീസിന് പിന്നാലെ വൈസ് ചാന്സലര്ക്കും പണി വരുന്നു
സംസ്ഥാനത്തെ ഗവര്ണര് റബ്ബര് സ്റ്റാമ്പാണെന്ന് പലരും തെളിയിച്ചിട്ടുണ്ട്. എന്നാല് ഗവര്ണറുടെ അധികാരം എന്താണെന്ന് കാണിച്ച് തരികയാണ് ആരിഫ് മുഹമ്മദ് ഖാന്. കണ്ണൂര് സര്വകലാശാല വിഷയങ്ങളില് ശക്തമായ നടപടിയാണ് സ്വീകരിച്ചത്. കണ്ണൂര് സര്വകലാശാല വിഷയങ്ങളില് വൈകുന്നേരം ആറരയോടെ മാധ്യമങ്ങളെ കണ്ട ഗവര്ണര് ആരിഫ് മുഹമ്മദ് ഖാന് ശക്തമായാണ് പ്രതികരിച്ചത്.
അരമണിക്കൂറില് നടപടിയെന്തായിരിക്കും എന്നറിയാന് കാത്തിരുന്ന കേരള ജനതയ്ക്ക് മുന്നില് ഗവര്ണറുടെ വാര്ത്താക്കുറിപ്പായിരുന്നു പിന്നാലെ എത്തിയത്. കൃത്യം അരമണിക്കൂര് ആകുമ്പോള് ഗവര്ണര് പുറത്തിറക്കിയ വാര്ത്താക്കുറിപ്പില് കണ്ണൂര് സര്വകലാശാലയിലെ മലയാളം വിഭാഗത്തിലെ അസോസിയേറ്റ് പ്രൊഫസര് സ്ഥാനത്തേക്കുള്ള റാങ്ക് പട്ടിക 'ചാന്സലറുടെ പവര്' ഉപയോഗിച്ച് മരവിപ്പിക്കുന്നു എന്നാണ് കുറിച്ചത്.
അരമണിക്കൂറില് വാക്ക് പാലിച്ച്, മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്റെ ഭാര്യ പ്രിയ വര്ഗീസിന്റെ നിയമനത്തിന് സ്റ്റേ പ്രഖ്യാപിക്കുമ്പോള് വലിയൊരു പോരിനാണ് വഴി തുറന്നത്. കണ്ണൂര് സര്വകലാശാലയില് ചട്ടലംഘനം നടന്നെന്ന് ചൂണ്ടികാട്ടിയാണ് ഗവര്ണര് പോരിന് കാഹളം മുഴക്കുന്നത്.
ഗവര്ണറുടെ അധികാരത്തിന് വിലങ്ങിടാന് സര്ക്കാര് നടത്തുന്ന നീക്കങ്ങള്ക്കിടെ പവര് ഓഫ് ചാന്സലര് എന്താണെന്ന് കാട്ടുന്നതിനൊപ്പം തുടര് നടപടികള് എന്താകും എന്നതിലും ഏവര്ക്കും ആകാംക്ഷയുണ്ടാകും. കണ്ണൂര് സര്വകലാശാല വൈസ് ചാന്സലറെയാണ് ഗവര്ണര് ആദ്യം നോട്ടമിടുന്നത് എന്നത് വ്യക്തം.
മലയാളം വിഭാഗത്തിലെ അസോസിയേറ്റ് പ്രൊഫസര് സ്ഥാനത്തേക്കുള്ള റാങ്ക് പട്ടികയില് ചട്ടലംഘനങ്ങളുണ്ടായെന്ന് ചൂണ്ടികാട്ടിയ ഗവര്ണര്, വിസിയോട് കാരണം കാണിക്കണമെന്നും ആവശ്യപ്പെട്ടിട്ടുണ്ട്. കണ്ണൂര് സര്വകലാശാലയില് പ്രിയ വര്ഗീസ് ഒന്നാമതെത്തിയ റാങ്ക് പട്ടികയാണ് ഗവര്ണര് മരവിപ്പിച്ചത്. പ്രിയ വര്ഗീസിന് നിയമന ഉത്തരവ് രണ്ട് ദിവസത്തിനകം പുറപ്പെടുവിക്കുമെന്ന് വൈസ് ചാന്സലര് ഡോ ഗോപിനാഥ് രവീന്ദ്രന് പറഞ്ഞതിന് പിന്നാലെയാണ് ഗവര്ണറും സര്വകലാശാല ചാന്സലറുമായ ആരിഫ് മുഹമ്മദ് ഖാന്റെ നടപടി.
ചാന്സലറുടെ അധികാരത്തില് വരുന്ന ചാപ്റ്റര് മൂന്നിലെ സെക്ഷന് ഏഴ് പ്രകാരമാണ് നടപടി. സര്വകലാശാല മലയാളം ഡിപ്പാര്ട്മെന്റില് അസോസിയേറ്റ് പ്രൊഫസര് സ്ഥാനത്തേക്കുള്ളതായിരുന്നു റാങ്ക് ലിസ്റ്റ്. പ്രിയ വര്ഗീസിന് ചട്ട വിരുദ്ധമായി റാങ്ക് പട്ടികയില് ഒന്നാമതെത്താന് സാധിച്ചത് സ്വജന പക്ഷപാതമെന്ന് ആരോപണം ഉയര്ന്നിരുന്നു.
എല്ലാത്തിനുമൊടുവിലാണ് ഗവര്ണര് മരവിപ്പിക്കല് നടപടിയിലേക്ക് നീങ്ങിയത്. ഗവര്ണറുടെ നടപടിക്ക് പിന്നാലെ മാധ്യമങ്ങളെ കണ്ട വൈസ് ചാന്സലര് ഡോ. ഗോപിനാഥ് രവീന്ദ്രനും പിന്നോട്ടില്ലെന്ന പ്രഖ്യാപനമാണ് നടത്തിയത്. ഗവര്ണര് ഇല്ലാത്ത അധികാരം ഉപയോഗിച്ചാണ് റാങ്ക് പട്ടിക സ്റ്റേ ചെയ്തതെന്ന് വിവരിച്ച് അദ്ദേഹം ഗവര്ണറുടെ തീരുമാനത്തിനെതിരെ കോടതിയെ സമീപിക്കുമെന്നും വ്യക്തമാക്കിക്കഴിഞ്ഞു. കണ്ണൂര് സര്വകലാശാല ചട്ട പ്രകാരം സിന്ഡിക്കേറ്റ് തീരുമാനം റദ്ദാക്കാന് അധികാരം ഇല്ലെന്നും വ്യക്കമാക്കി വി സി രംഗത്തെത്തിയതോടെ പോര് ഇനിയും കനക്കുമെന്നുറപ്പാണ്. അതേസമയം തന്നെ കുറച്ച് നാളായി ഗവര്ണറോട് ഇടഞ്ഞു നില്ക്കുന്ന സര്ക്കാരിന്റെ അടുത്ത നടപടിയും കണ്ടറിയേണ്ടതുണ്ട്. എന്തായാലും ഇനി ഗവര്ണര് പിന്നോട്ടില്ല.
https://www.facebook.com/Malayalivartha
