ഗവര്ണറോടാണ് കളി... പ്രിയയുടെ നിയമനം മരവിപ്പിച്ച് കണ്ണൂര് വിസിയെക്കെതിരെ ശക്തമായ നടയുമായി ഗവര്ണര് മുന്നോട്ട് നീങ്ങുമ്പോള് ആഞ്ഞടിച്ച് കണ്ണൂര് സിപിഎം ജില്ലാ സെക്രട്ടറി എം.വി.ജയരാജന്; ഗവര്ണര് അധഃപതിച്ചു ഇത് രാഷ്ട്രീയക്കളി
മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ. രാഗേഷിന്റെ ഭാര്യ ഡോ. പ്രിയാ വര്ഗീസിന്റെ നിയമന നടപടികള് ഗവര്ണര് സ്റ്റേ ചെയ്തതോടെ കണ്ണൂര് സിപിഎം ജില്ലാ സെക്രട്ടറി എംവി ജയരാജനെ ഇറക്കി കളിക്കുകയാണ്. ഇന്നലെ മുതല് ജയരാജന് ഈ വിഷയത്തില് സജീവമാണ്.
ഗവര്ണര്ക്കെതിരെ ജയരാജന് ആഞ്ഞടിക്കുകയാണ്. ഗവര്ണറുടെ നടപടി സര്വകലാശാലാ ആക്ടും റൂളും അനുസരിച്ചല്ലെന്ന ആരോപണമുണ്ടെന്ന് എം.വി. ജയരാജന് പറഞ്ഞു. പരിശോധന നടത്തേണ്ടതു സര്വകലാശാലയാണ്. ഒരു ഗവര്ണറും ഇത്തരത്തില് ഇടപെട്ട ചരിത്രമില്ല. ഗവര്ണര് അധഃപതിച്ചു. രാഷ്ട്രീയക്കളികളാണിത്.
കേന്ദ്രസര്ക്കാരിന്റെ രാഷ്ട്രീയ ദൗത്യം ഏറ്റെടുത്തയാളാണു ഗവര്ണറെന്നും എം.വി. ജയരാജന് പറഞ്ഞു. ഭരണഘടനാ വ്യവസ്ഥകള്ക്കു പുറത്തുള്ളതാണീ ചെയ്തികളെല്ലാം. രാഷ്ട്രീയക്കാരന്റെ ഭാര്യയാണെന്നത് എങ്ങനെ അനര്ഹതയാകും? സര്വകലാശാലയോടു തന്നെ നടപടി സ്വീകരിക്കാന് പറയുകയാണു പതിവ്. കാരണം കാണിക്കല് നോട്ടിസ് നല്കിയതു സ്റ്റേയ്ക്കു ശേഷം മാത്രമാണ്. ചട്ടപ്രകാരമായിരുന്നു നിയമന നടപടികളെല്ലാം എന്നും എം.വി.ജയരാജന് പറഞ്ഞു.
അതേസമയം കെ.കെ. രാഗേഷിന്റെ ഭാര്യ പ്രിയ വര്ഗീസിനെ അസോസിറ്റ് പ്രഫസറായി നിയമിച്ചത് ഗവര്ണര് ആരിഫ് മുഹമ്മദ് ഖാന് മരവിപ്പിച്ചതിനെതിരെ കോടതിയെ സമീപിക്കുമെന്ന് കണ്ണൂര് സര്വകലാശാലാ വൈസ് ചാന്സലര് പ്രഫ. ഗോപിനാഥ് രവീന്ദ്രന് പറഞ്ഞു. വ്യാഴാഴ്ച അവധിയായതിനാല് വെള്ളിയാഴ്ച തുടര് നടപടി സ്വീകരിക്കും.
ഗവര്ണറുടെ നടപടി നിയമവിധേയമല്ലെന്ന് വിസി പരോക്ഷമായി സൂചിപ്പിച്ചു. കണ്ണൂര് സര്വകലാശാല നിയമത്തിലെ ചട്ടം 7 (3) വായിച്ചാണ് വിസിയുടെ പ്രതികരണം. അതേസമയം, പ്രിയ വര്ഗീസിനെ കണ്ണൂര് സര്വകലാശാലയില് നിയമിച്ചത് സര്ക്കാരല്ലെന്ന് ഉന്നത വിദ്യാഭ്യാസ മന്ത്രി ആര്. ബിന്ദു പ്രതികരിച്ചു. നിയമനത്തിനുള്ള പൂര്ണ അധികാരം സര്വകലാശാലയ്ക്കാണ്. നിയമപ്രകാരമുള്ള നിയമനമായിരിക്കും നടന്നിരിക്കുകയെന്നും മന്ത്രി അഭിപ്രായപ്പെട്ടു.
കെ.കെ. രാഗേഷിന്റെ ഭാര്യ പ്രിയ വര്ഗീസിനെ കണ്ണൂര് സര്വകലാശാലയില് അസോസിറ്റ് പ്രഫസറായി നിയമിച്ചത് ഗവര്ണര് ആരിഫ് മുഹമ്മദ് ഖാന് ഇന്നലെ വൈകുന്നേരമാണ് മരവിപ്പിച്ചു. ചാന്സലറുടെ അധികാരം ഉപയോഗിച്ചാണ് നടപടി. റിസര്ച് സ്കോറില് പിന്നിലായിരുന്ന പ്രിയ വര്ഗീസ് നിയമന അഭിമുഖത്തില് ഒന്നാമത് എത്തിയതുമായി ബന്ധപ്പെട്ട പരാതിയിലാണ് ഗവര്ണറുടെ നിര്ണായക തീരുമാനം.
ഇതുമായി ബന്ധപ്പെട്ട് കണ്ണൂര് സര്വകലാശാല വൈസ് ചാന്സലര് പ്രൊഫ.ഗോപിനാഥ് രവീന്ദ്രന് നല്കിയ വിശദീകരണം ഗവര്ണര് തള്ളി. വൈസ് ചാന്സലറിന് കാരണം കാണിക്കല് നോട്ടിസും നല്കും. പ്രിയ വര്ഗീസിന്റെ നിയമന നടപടിയുമായി ബന്ധപ്പെട്ട മറ്റു കേന്ദ്രങ്ങള്ക്കും നോട്ടിസ് നല്കും. സ്വജനപക്ഷപാതവും ചട്ടലംഘനവും അനുവദിക്കില്ലെന്ന് വ്യക്തമാക്കിയ ഗവര്ണര്, പ്രിയയുടെ നിയമന വിവാദത്തില് നിര്ണായക തീരുമാനം അര മണിക്കൂറിനകം പ്രഖ്യാപിക്കുമെന്ന് വൈകിട്ട് വ്യക്തമാക്കിയിരുന്നു. ഇതിനു പിന്നാലെയാണ് നിയമനം മരവിപ്പിച്ചത്.
നേരത്തെ കണ്ണൂര് സര്വകലാശാലയ്ക്കെതിരെ ഗുരുതരമായ ആരോപണവുമായി ഗവര്ണര് ആരിഫ് മുഹമ്മദ് ഖാന് രംഗത്തെത്തിയിരുന്നു. സര്വകലാശാലയില് നടക്കുന്നത് ഗുരുതരമായ ക്രമക്കേടുകളും സ്വജനപക്ഷപാതവുമെന്ന് ഗവര്ണര് തുറന്നടിച്ചു. ചാന്സലറായ തന്നെ ഇരുട്ടില് നിര്ത്തിയാണ് നീക്കങ്ങള്. താന് ചാന്സലറായിരിക്കുന്നിടത്തോളം കാലം നിയമലംഘനങ്ങള് അനുവദിക്കില്ല. ഗവര്ണര് ഒപ്പിടാതെ ഒരു ബില്ലും നിയമമാകില്ലെന്നും ആരിഫ് മുഹമ്മദ് ഖാന് ഓര്മിപ്പിച്ചു.
https://www.facebook.com/Malayalivartha
