കോടിയേരിയും രംഗത്ത്... പ്രിയ വര്ഗീസിന്റെ നിയമനം മരവിപ്പിച്ചതിന് പിന്നാലെ ഗവര്ണര്ക്കെതിരെ ആഞ്ഞടിച്ച് കോടിയേരി ബാലകൃഷ്ണന്; ദേശാഭിമാനി ലേഖനത്തില് ഗവര്ണര്ക്കതിരെ തുറന്ന പോരിലേക്ക്; ജനകീയ സര്ക്കാരിനെ അട്ടിമറിക്കാന് ശ്രമമെന്ന് കോടിയേരി
മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ. രാഗേഷിന്റെ ഭാര്യ പ്രിയ വര്ഗീസിന്റെ നിയമനം സ്റ്റേ ചെയ്തത്തോടെ ഗവര്ണര് സര്ക്കാര് പോര് കടുക്കുകയാണ്. ഗവര്ണറുടെ നടപടി ചോദ്യം ചെയ്ത് കണ്ണൂര് വിസി നാളെ ഹൈക്കോടതിയെ സമീപിക്കും. നടപടി ക്രമം പാലിക്കാതെ ആണ് സ്റ്റേ എന്നാണ് വാദം. അതെസമയം വി സി യുടെ വിശദീകരണത്തിന്റെ അടിസ്ഥാനത്തിലാണ് സ്റ്റേ എന്നാണ് രാജ്ഭവന് നിലപാട്.
വിസി അടക്കമുള്ളവരുടെ ഹിയറിംഗ് നടത്തി നിയമനം റദ്ദാക്കാന് ആണ് ഗവര്ണറുടെ നീക്കം. ഗവര്ണര്ക്കെതിരെ സിപിഎം രാഷ്ട്രീയ എതിര്പ്പ് കൂടുതല് കടുപ്പിക്കും. അതെസമയം വിസി നിയമനത്തില് തന്റെ അധികാരം വെട്ടുന്ന ബില്ലില് ഒപ്പിടാതെ ഗവര്ണ്ണറൂം വിട്ടുവീഴ്ചക്കില്ല.
എംവി ജയരാജന് പിന്നാലെ സി പി എം സംസ്ഥാന സെക്രട്ടറി കോടിയേരി ബാലകൃഷ്ണന് തന്നെ വിഷയത്തില് രംഗത്തെത്തിയിരിക്കുകയാണ്. മുഖ്യമന്ത്രിയുടെ പ്രൈവറ്റ് സെക്രട്ടറി കെ കെ രാഗേഷിന്റെ ഭാര്യ പ്രിയ വര്ഗീസിന്റെ കണ്ണൂര് യൂണിവേഴ്സിറ്റിയിലെ നിയമനം സ്റ്റേ ചെയ്ത ഗവര്ണറുടെ നടപടിക്കെതിരെയാണ് സി പി എം നിലപാട് കടുപ്പിക്കുന്നത്.
ഗവര്ണര്ക്കെതിരെ വീണ്ടും ആഞ്ഞടിച്ച് സി പി എം. കേന്ദ്ര സര്ക്കാരിനെതിരേയും കടുത്ത വിമര്ശനം ഉണ്ട്. സി പി എം മുഖപത്രമായ ദേശാഭിമാനിയിലാണ് ഗവര്ണര്ക്കെതിരേയും കേന്ദ്ര സര്ക്കാരിനെതിരേയും നിലപാടെടുത്ത് സി പി എം സംസ്ഥാന സെക്രട്ടറി കോടിയേരി ബാലകൃഷ്ണന് രംഗത്തെത്തിയത്.
ഇതോടെ വിഷയത്തില് പാര്ട്ടിയും രംഗത്തെത്തുകയാണ്. ജനകീയ സര്ക്കാരിനെ അട്ടിമറിക്കാന് ഗവര്ണര് ശ്രമിക്കുകയാണെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണന് ആരോപിച്ചു. ഗവര്ണറെ ഉപയോഗിച്ച് സംസ്ഥാന സര്ക്കാരിനെ പ്രതിസന്ധിയിലാക്കാന് നോക്കുകയാണെന്ന് കോടിയേരി ബാലകൃഷ്ണന് ആരോപിച്ചു. ഗവര്ണര് ആരിഫ് മുഹമ്മദ് ഖാന് മോദി ഭരണത്തിന്റേയും ബിജെപിയുടെയും ചട്ടുകമായി മാറി.
ജനങ്ങള് തെരഞ്ഞെടുത്ത ജനകീയ സര്ക്കാരിനെ ഗവര്ണറെ ഉള്പ്പെടെ ഉപയോഗിച്ച് വളഞ്ഞ വഴികളിലൂടെ വരിഞ്ഞു മുറുക്കാനും ശ്വാസം മുട്ടിക്കാനും അട്ടിമറിക്കാനും നോക്കുകയാണ്. ഗവര്ണര് പ്രവര്ത്തിക്കേണ്ടത് മന്ത്രിസഭാ തീരുമാനം അനുസരിച്ചാണെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറയുന്നു.
കേന്ദ്ര ഏജന്സികളെ വിട്ടിരിക്കുന്നത് സംസ്ഥാന സര്ക്കാരിനെ പ്രതിസന്ധിയിലാക്കാനാണ് . കേരളത്തിലെ കോണ്ഗ്രസ് നേതാക്കളും കേന്ദ്രത്തെ അനുകൂലിക്കുകയാണെന്നും സി പി എം സംസ്ഥാന സെക്രട്ടറി കോടിയേരി ബാലകൃഷ്ണന് ദേശാഭിമാനി ലേഖനത്തില് പറയുന്നു.
പ്രിയ വര്ഗീസിന്റെ നിയമന നടപടി ഗവര്ണര് സ്റ്റേ ചെയ്ത സംഭവത്തില് പ്രതികരണവുമായി മന്ത്രി ആര് ബിന്ദുവും രംഗത്തെത്തി. നിയമനം നടത്തിയത് സര്വകലാശാലയെന്നും മറുപടി പറയേണ്ടത് വിസിയാണെന്നും മന്ത്രി വിശദീകരിച്ചു. നിയമനം നടത്തിയത് സര്ക്കാരല്ല. നിയമനവുമായി സര്ക്കാര് യാതൊരു തരത്തിലും ബന്ധപ്പെടുന്നില്ല. യൂണിവേഴ്സിറ്റികളാണ് നിയമനം നടത്തുന്നത്. നിയമപ്രകാരം മാത്രമേ നിയമനം നടത്താന് സാധിക്കുകയുള്ളുവെന്നും മന്ത്രി പറഞ്ഞു.
അതേസമയം ഗവര്ണറുടെ നടപടിയെ ചോദ്യം ചെയ്ത കണ്ണൂര് വി സി ഗോപിനാഥ് രവീന്ദ്രന് കോടതിയെ സമീപിക്കുമെന്ന് പറഞ്ഞു. കണ്ണൂര് സര്വകലാശാല ചട്ട പ്രകാരം സിന്റിക്കേറ്റ് തീരുമാനം റദ്ദാക്കാന് ഗവര്ണര്ക്ക് അധികാരം ഇല്ലെന്നാണ് വിസിയുടെ വാദം. കാരണം കാണിക്കല് നോട്ടീസില് തുടര്നടപടികള് മറ്റന്നാളെന്ന് വിസി പറഞ്ഞു. പ്രിയ വര്ഗീസിന് നിയമന ഉത്തരവ് രണ്ട് ദിവസത്തിനകം പുറപ്പെടുവിക്കുമെന്ന് വൈസ് ചാന്സലര് ഡോ ഗോപിനാഥ് രവീന്ദ്രന് പറഞ്ഞതിന് പിന്നാലെയാണ് ഗവര്ണറും സര്വകലാശാല ചാന്സലറുമായ ആരിഫ് മുഹമ്മദ് ഖാന് റാങ്ക് പട്ടിക മരവിപ്പിച്ചത്.
https://www.facebook.com/Malayalivartha
