വെള്ളറടയിൽ വീട്ടിൽ കയറി വീട്ടമ്മയായ യുവതിയെ മാനഭംഗപ്പെടുത്താൻ ശ്രമിച്ച കേസിൽ ഓട്ടോ ഡ്രൈവർ പിടിയിൽ. പൂവത്തൂർ സ്വദേശി അനുരാജി(22)നെയാണ് വെള്ളറട പൊലീസ് അറസ്റ്റ് ചെയ്തത്. വീട്ടമ്മയെ ആരും ഇല്ലാത്ത തക്കം നോക്കി ലൈംഗികമായി പീഡിപ്പിക്കാൻ ശ്രമിച്ചുവെന്നാണ് വീട്ടമ്മയുടെ പരാതി. സംഭവം പുറത്ത് പറഞ്ഞാൽ വധിക്കുമെന്ന് ഭീഷണിപ്പെടുത്തിയെന്നും പരാതിയിൽ പറയുന്നുണ്ട്. ഓട്ടോറിക്ഷയിലാണ് ഇയാളെത്തിയത്.

അമ്മയെ കടന്ന് പിടിക്കുന്നത് കണ്ട് കരഞ്ഞുകൊണ്ട് വന്ന രണ്ടര വയസുള്ള കുട്ടിയെ ഇയാൾ ചവിട്ടിയെറിഞ്ഞു.നിലവിളി കേട്ടെത്തിയ നാട്ടുകാരാണ് വിവരം പൊലീസിനെ അറിയിച്ചത്. നാട്ടുകാർ ഓടിയെത്തുന്നത് കണ്ട പ്രതി ശ്രമം ഉപേക്ഷിച്ച് രക്ഷപെടുകയായിരുന്നു.

കുഞ്ഞിനെ ചവിട്ടി എറിഞ്ഞ ശേഷം വീട്ടമ്മയെ ചവിട്ടി വീഴ്‌ത്തി വീണ്ടും പീഡിപ്പിക്കാൻ ശ്രമിക്കുന്നതിനിടെയായിരുന്നു നാട്ടുകാർ ഓടി എത്തിയത്. അനുരാജ് കഞ്ചാവിന് അടിമയാണെന്ന് പൊലീസ് പറഞ്ഞു. നെയ്യാറ്റിൻകര കോടതി പ്രതിയെ റിമാൻഡ് ചെയ്തു.