കള്ളക്കടത്ത് സ്വര്‍ണ്ണവുമായി കോഴിക്കോട് വിമാനത്താവളത്തിലെ കസ്റ്റംസ് സൂപ്രണ്ട് തമിഴ്നാട് പൊള്ളാച്ചി സ്വദേശി പി.മുനിയപ്പയെ (46) അറസ്റ്റ് ചെയ്ത് കരിപ്പൂര്‍ പോലീസ്... വിമാനത്താവളം വഴി സ്വര്‍ണ്ണം കടത്തുന്നവരുടെ പാസ്പോര്‍ട്ട് വാങ്ങി വച്ച് വലിയ ആവശ്യപ്പെടുക പതിവ് , കരിപ്പൂര്‍ വിമാനത്താവളത്തില്‍ ചാര്‍ജെടുത്തത് ആറുമാസം മുമ്പ്....

ഇന്നലെ പുലര്‍ച്ചെ 2.15ന് ദുബായില്‍ നിന്ന് എയര്‍ഇന്ത്യ എക്‌സ്പ്രസില്‍ രണ്ട് കാസര്‍കോട് സ്വദേശികള്‍ കടത്തിക്കൊണ്ടുവന്ന 320ഗ്രാം സ്വര്‍ണ്ണം ഡ്യൂട്ടിയിലുണ്ടായിരുന്ന മുനിയപ്പ 25,000 രൂപ പ്രതിഫലത്തിന് എയര്‍പോര്‍ട്ടിന് പുറത്തെത്തിച്ച് കൈമാറാന്‍ ശ്രമിക്കുമ്പോഴാണ് പിടിക്കപ്പെടുന്നത്.

ഇയാളുടെ താമസസ്ഥലത്ത് നിന്ന് 4,42,980 രൂപയും 500 യു.എ.ഇ ദിര്‍ഹവും വിലപിടിപ്പുള്ള വാച്ചുകളും നാല് യാത്രക്കാരുടെ പാസ്പോര്‍ട്ടും പിടിച്ചെടുക്കുകയുണ്ടായി.

കാസര്‍കോട് തെക്കില്‍ സ്വദേശികളും സഹോദരങ്ങളുമായ കെ.എച്ച്.അബ്ദുള്‍ നസീര്‍ (46), ജംഷീര്‍ (20) എന്നിവര്‍ കടത്തിയ 640 ഗ്രാം സ്വര്‍ണ്ണം ലഗേജ് പരിശോധനയ്ക്കിടെ മുനിയപ്പ കണ്ടെത്തുകയും പകുതി സ്വര്‍ണ്ണത്തിന് കസ്റ്റംസ് ഡ്യൂട്ടി അടപ്പിച്ച മുനിയപ്പ ബാക്കി 320 ഗ്രാം സ്വര്‍ണ്ണം കാല്‍ലക്ഷം രൂപയ്ക്ക് പുറത്തെത്തിക്കാമെന്ന് രഹസ്യധാരണയുണ്ടാക്കുകയും ചെയ്തു.


രാവിലെ എട്ടിന് തന്റെ ഡ്യൂട്ടി കഴിഞ്ഞ ശേഷം വിളിക്കാന്‍ നിര്‍ദ്ദേശിച്ച് ഫോണ്‍നമ്പര്‍ യാത്രക്കാര്‍ക്ക് കൈമാറി. സ്വര്‍ണ്ണം കൈവശം വച്ചിരുന്നു.
വിമാനത്താവളത്തിന് സമീപത്ത് ഇയാള്‍ താമസിക്കുന്ന ലോഡ്ജില്‍ ഉച്ചയ്ക്ക് 12ന് സ്വര്‍ണ്ണം കൈമാറാനായിരുന്നു ധാരണയായിരുന്നത്.



അതേസമയം ജില്ലാ പൊലീസ് മേധാവിക്ക് ലഭിച്ച രഹസ്യവിവരത്തെ തുടര്‍ന്ന് വിമാനത്താവളത്തിന് പുറത്തുവച്ച് കാസര്‍കോട് സ്വദേശികളെ പൊലീസ് പിടികൂടിയിരുന്നു. ഇവരുടെ ഫോണിലേക്ക് തുടര്‍ച്ചയായി കോളുകള്‍ വന്നു.സ്വര്‍ണ്ണക്കടത്ത് സംഘമാവാമെന്ന നിഗമനത്തില്‍ വിളിച്ചയാളോട് തൊട്ടടുത്ത സ്ഥലത്തേക്ക് വരാന്‍ പൊലീസ് ആവശ്യപ്പെട്ടു. ഇയാളെ പിടികൂടിയ ശേഷമാണ് കസ്റ്റംസ് സൂപ്രണ്ടാണെന്ന് അറിഞ്ഞതെന്നും മടിക്കുത്തില്‍ ഒളിപ്പിച്ച നിലയിലായിരുന്നു സ്വര്‍ണ്ണമെന്നും കരിപ്പൂര്‍ ഇന്‍സ്പെക്ടര്‍ പറയുന്നു.

മുനിയപ്പയെ കസ്റ്റംസിന് കൈമാറി. പാസ്പോര്‍ട്ട് പിടിച്ച് നാല് ലക്ഷം വിമാനത്താവളം വഴി സ്വര്‍ണ്ണം കടത്തുന്നവരുടെ പാസ്പോര്‍ട്ട് മുനിയപ്പ വാങ്ങിവയ്ക്കാറുണ്ട്. തിരിച്ചു കൊടുക്കാനായി വലിയ തുക ആവശ്യപ്പെടുകയും ചെയ്യും. ഇത്തരത്തില്‍ നാല് ദിവസം കൊണ്ട് വാങ്ങിയ 4.42 ലക്ഷം രൂപയാണ് താമസസ്ഥലത്ത് നിന്ന് പൊലീസ് കണ്ടെത്തിയത്. സ്വര്‍ണക്കടത്ത് സംഘവുമായി ഇയാള്‍ക്കുള്ള ബന്ധം പരിശോധിക്കുകയാണ്.