ഓണത്തിനു മുന്നോടിയായി  സൗ​ജ​ന്യ ഭ​ക്ഷ്യ​ക്കി​റ്റ് വി​ത​ര​ണ​ത്തി​ന്‍റെ ഉ​ദ്ഘാ​ട​നം ഈ ​മാ​സം 22ന് ​ന​ട​ക്കും ഈ മാസം 22ന് നടക്കും.... ഓണത്തിന് ശേഷം കിറ്റ് വിതരണം ഉണ്ടാകില്ലെന്ന് ഭക്ഷ്യവകുപ്പ്. ഓണത്തോട് അനുബന്ധിച്ച് സര്‍ക്കാര്‍ പ്രഖ്യാപിച്ച സൗജന്യ ഭക്ഷ്യക്കിറ്റ് വിതരണത്തിന്റെ ഉദ്ഘാടനം ഈ മാസം 22ന് നടക്കും.

മഞ്ഞ കാര്‍ഡ് ഉടമകള്‍ക്ക് 23, 24 തീയതികളില്‍ റേഷന്‍ കടകളില്‍ നിന്നും ഭക്ഷ്യക്കിറ്റ് വാങ്ങാം. പിങ്ക് കാര്‍ഡ് ഉടമകള്‍ 25 മുതല്‍ 27 വരെയുള്ള തീയതികള്‍ക്കുള്ളില്‍ കിറ്റ് കൈപ്പറ്റണം. 29 മുതല്‍ 31 വരെയുള്ള തീയതികളില്‍ നീല കാര്‍ഡ് ഉടമകള്‍ക്ക് കിറ്റ് ലഭിക്കും. സെപ്റ്റംബര്‍ ഒന്ന് മുതല്‍ മൂന്ന് വരെയുള്ള തീയതികളിലാണ് വെള്ളക്കാര്‍ഡ് ഉടമകള്‍ കിറ്റ് വാങ്ങേണ്ടത്.

ഈ ദിവസങ്ങളില്‍ കിറ്റ് വാങ്ങാന്‍ കഴിയാത്ത ഏത് കാര്‍ഡ് ഉടമകള്‍ക്കും സെപ്റ്റംബര്‍ നാല് മുതല്‍ ഏഴ് വരെയുള്ള തീയതികളില്‍ വാങ്ങാന്‍ അവസരമുണ്ടാകും.
സംസ്ഥാനത്തെ വിവിധ കേന്ദ്രങ്ങളില്‍ സപ്ലൈകോ ഉദ്യോഗസ്ഥരുടെ നേതൃത്വത്തില്‍ കിറ്റുകള്‍ തയ്യാറായി വരികയാണ്. നെയ്യും പഞ്ചസാരയും കശുവണ്ടിയും ഉള്‍പ്പടെ 14 ഇനങ്ങളാണ് ഓണക്കിറ്റില്‍ ഉള്‍പ്പെടുത്തിയിരിക്കുന്നത്. പപ്പടവും ശര്‍ക്കരയും ഇത്തവണത്തെ കിറ്റില്‍ ഉള്‍പ്പെടുത്തിയിട്ടില്ല. ഓണത്തിന് ശേഷം കിറ്റ് വിതരണം ഉണ്ടാകില്ലെന്ന് ഭക്ഷ്യവകുപ്പ് അറിയിച്ചിട്ടുണ്ട്.