ഒരു കൂട്ടം ആളുകൾ കോളേജ് ബസിലേക്ക് ഇരച്ചുകയറി, മലയാളി വിദ്യാർത്ഥികളെ ലക്ഷ്യം വച്ച് ക്രൂര മർദ്ദനം: പരിക്കേറ്റത് പത്ത് വിദ്യാർത്ഥികൾക്ക് | വിദ്യാർത്ഥികൾ തമ്മിലെ പ്രശ്നത്തിൽ പുറത്ത് നിന്നുള്ളവർ ഇടപെട്ടു, കണ്ടാൽ അറിയാവുന്ന പത്തോളം പേർക്കെതിരെ കേസ്
മലയാളി വിദ്യാർത്ഥികൾക്ക് ബസിനുള്ളിൽ ക്രൂര മർദ്ദനം. കോയമ്പത്തൂരിലെ സ്വകാര്യ കോളജിലെ മലയാളി വിദ്യാര്ഥികള്ക്കാണ് മർദ്ദനമേറ്റത്. കോളജ് ബസ് വാളയാറില് തടഞ്ഞ് ഒരു സംഘം യുവാക്കള് ക്രൂരമായി വിദ്യാർത്ഥികളെ മർദ്ദിക്കുകയായിരുന്നു.
കഴിഞ്ഞ ദിവസം നടന്ന സംഭവത്തിൽ പത്ത് വിദ്യാര്ഥികള്ക്ക് പരിക്കേറ്റു. പരിക്കേറ്റ വിദ്യാർത്ഥികൾ ആശുപത്രിയിൽ ചികിത്സ തേടി. പുറത്ത് നിന്ന് ബസിൽ കയറി വന്ന ആളുകൾ മലയാളി കുട്ടികളെ ലക്ഷ്യം വെച്ചാണ് ആക്രമണം നടത്തിയത്. ഇവരുടെ മുഖം ദൃശ്യങ്ങളിൽ വ്യക്തമാണ്.
റാഗിംഗുമായി ബന്ധപ്പെട്ട് വിദ്യാർത്ഥികൾ തമ്മിലുള്ള തർക്കത്തിൽ പുറത്തുള്ളവർ ഇടപെടുകയായിരുന്നു എന്നാണ് വിവരം. കോളേജിലെ വിദ്യാർത്ഥികൾ ഉൾപ്പെടെ കണ്ടാലറിയാവുന്ന പത്തോളം പേർക്കെതിരെ കേസെടുത്തിട്ടുണ്ട്.
https://www.facebook.com/Malayalivartha