ക്യാപ്റ്റന് നിര്മ്മല് ശിവരാജിന് യാത്രാമൊഴി... ഭാര്യ ഗോപി ചന്ദ്ര സല്യൂട്ട് നല്കി ഭര്ത്താവ് നിര്മ്മലിനെ യാത്രയാക്കി
ക്യാപ്റ്റന് നിര്മ്മല് ശിവരാജിന് സൈനിക ബഹുമതികളോടെ വിട നല്കി. മധ്യപ്രദേശില് പ്രളയത്തിലുണ്ടായ അപകടത്തിലാണ് ക്യാപ്റ്റന് മരിച്ചത്. എറണാകുളം മാമംഗലത്ത വീട്ടിലെ പൊതുദര്ശനത്തിന് ശേഷം പച്ചാളം പൊതുശ്മശാനത്തിലാണ് മൃതദേഹം സൈനിക ബഹുമതികളോടെ സംസ്കരിച്ചത്. സൈനിക ഓഫീസറായ ഭാര്യ ഗോപി ചന്ദ്ര സല്യൂട്ട് നല്കിയാണ് ഭര്ത്താവ് നിര്മ്മലിനെ യാത്രയാക്കിയത്.
വീട്ടില് പൊതുദര്ശനത്തിന് വെച്ച മൃതദേഹത്തില് സാമൂഹ്യ സാംസ്കാരിക മേഖലയില് നിന്ന് ഉള്പ്പെടെ നൂറുകണക്കിന് പേര് അന്ത്യാഞ്ജലി അര്പ്പിച്ചു. മുഖ്യമന്ത്രിക്ക് വേണ്ടി കളക്ടര് രേണു രാജ് അന്തിമോപചാരം അര്പ്പിച്ചു. മന്ത്രി പി രാജീവ് എറണാകുളം എംപി ഹൈബി ഈഡന് അടക്കമുള്ള ജനപ്രതിനിധികളും അന്ത്യാഞ്ജലി അര്പ്പിച്ചു.
കേന്ദ്രമന്ത്രി ഭഗവന്ത് ഖൂബെ നിര്മ്മലിന്റെ വീട്ടിലെത്തി ബന്ധുക്കളെ കണ്ട് അനുശോചനം അറിയിച്ചു. നിര്മ്മലിന്റെ വിയോഗം വലിയ നഷ്ടമാണെന്നും രാജ്യത്തെ സേവിക്കാനുള്ള അവസരം അദ്ദേഹത്തിന് നഷ്ടമായതിനാല് ദുഖമുണ്ടെന്നും മന്ത്രി മാധ്യമങ്ങളോട് പറഞ്ഞു. പ്രളയമുന്നറിയിപ്പ് അറിയാതെ കാറില് യാത്ര ചെയ്യുന്നതിനിടെ കഴിഞ്ഞ തിങ്കളാഴ്ച്ചയാണ് നിര്മ്മല് മധ്യപ്രദേശില് അപകടത്തില്പ്പെട്ടത്.
മധ്യപ്രദേശിലെ ജപല്പൂരില് ലെഫ്റ്റനന്റ് ആയി ജോലി ചെയ്യുന്ന ഭാര്യ ഗോപി ചന്ദ്രയെ കണ്ടശേഷം ജോലി സ്ഥലമായ പച് മാര്ഹിയിക്കുള്ള യാത്രക്കിടെയാണ് നിര്മ്മലിനെ കാണാതായത്. മധ്യപ്രദേശിലെ ജപല്പൂരില് നിന്നുള്ള യാത്രക്കിടെ തിങ്കളാഴ്ച്ച കാണാതായ നിര്മ്മലിന്റെ മൃതദേഹം ഇന്നലെ ഉച്ചയോടെയാണ് പാറ്റ്നിയില് കണ്ടെത്തിയത്. ശക്തമായ മഴയിലെ വെള്ളപൊക്കത്തില് കാര് അപകടത്തില്പെട്ടാണ് നിര്മ്മല് മരിച്ചത്.
മൂന്ന് ദിവസത്തെ തിരച്ചിലിനൊടുവില് പാറ്റ്നിയെന്ന സ്ഥലത്ത് നിന്നും നിര്മ്മലിന്റെ കാര് കണ്ടെത്തി. പിന്നാലെ നടത്തിയ തിരച്ചിലില് സമീപത്ത് നിന്ന് തന്നെ നിര്മ്മലിന്റെ മൃതദേഹവും കണ്ടെത്തുകയായിരുന്നു. ശക്തമായ മഴയുണ്ടായിരുന്ന സ്ഥലത്ത് വലിയ വെള്ളപൊക്കമുണ്ടായിരുന്നു. യാത്രക്കിടെ നിര്മ്മല് വെള്ളത്തില് ഒഴുകിപോയെന്നാണ് കരുതുന്നത്.
https://www.facebook.com/Malayalivartha
