മലപ്പുറം വേങ്ങരയിൽ ഓട്ടോയില്‍ കയറാന്‍ ശ്രമിക്കവെ അമ്മയുടെ കണ്‍മുന്നില്‍ ആറുവയസ്സുകാരി കാറിടിച്ചു മരിച്ചു. കുന്നുംപുറം ഇകെ പടി നെല്ലിക്കാപ്പറമ്പിൽ അഭിലാഷിന്റെ മകൾ അക്ഷരയാണു മരിച്ചത്. ഇന്നലെ രാവിലെ പത്തോടെയാണ് അപകടം. കുന്നുംപുറം -വേങ്ങര റൂട്ടില്‍ ഇ കെ പടി ഓഡിറ്റോറിയത്തിന് സമീപത്ത് വെച്ചാണ് അപകടം നടന്നത്.

വിവാഹത്തിന് പോകാനായി അമ്മ സരിതയ്ക്കൊപ്പം ഇറങ്ങിയ അക്ഷര, ഇകെ പടിയിൽനിന്ന് ഓട്ടോയിൽ കയറുമ്പോൾ അമിതവേഗതയില്‍ കുന്നുംപുറത്തു ഭാഗത്തു നിന്ന് വന്ന കാര്‍ ഇടിച്ചു തെറിപ്പിക്കുകയായിരുന്നു.

അപകടത്തെ തുടർന്ന് സരിതയുടെ സഹോദരിയുടെ മകൾ അഭിരാമി(13)ക്കും പരുക്കേറ്റു. ഇരുവരെയും കുന്നുംപുറത്തെ സ്വകാര്യ ആശുപത്രിയിൽ എത്തിച്ചെങ്കിലും അക്ഷരയുടെ ജീവൻ രക്ഷിക്കാനായില്ല. . കുറ്റൂർ നോർത്ത് എംഎച്ച്എം എൽപി സ്കൂളിലെ ഒന്നാം ക്ലാസ് വിദ്യാർഥിനിയാണ്. സഹോദരന്‍: അശ്വ രാഗ്. മൃതദേഹം തിരൂരങ്ങാടി താലൂക്ക് ആശുപത്രിയിലേക്ക് മാറ്റി.