ഓണക്കാലത്ത് ആരോഗ്യരംഗത്ത് പ്രത്യേക കരുതല്... പ്രത്യേക സ്ക്വാഡുകള് പരിശോധന നടത്തും; ഉത്തരവ് പാലിക്കാത്തവര്ക്കെതിരെ കര്ശന നടപടി
സംസ്ഥാനത്ത് ഓണക്കാലത്ത് ആരോഗ്യരംഗത്ത് പ്രത്യേക കരുതലുമായി ആരോഗ്യവകുപ്പ്. ഓണക്കാലത്ത് പ്രത്യേക സ്ക്വാഡുകള് ഭക്ഷണശാലയില് പരിശോധന നടത്തും. ഷവര്മ മാര്ഗ നിര്ദേശം പാലിക്കാത്തവര്ക്കെതിരെ കര്ശന നടപടി എടുക്കുമെന്ന് ആരോഗ്യമന്ത്രി വീണാ ജോര്ജ്. മാര്ഗനിര്ദേശം പ്രാബല്യത്തില് വന്നു.
ഷവര്മ കഴിച്ചത് മൂലം ഭക്ഷ്യവിഷബാധ ബാധകമാകുന്ന പശ്ചാത്തലത്തിലാണ് പുതിയ മാര്ഗനിര്ദേശവുമായി സര്ക്കാര് രംഗത്തെത്തിയിരിക്കുന്നത്. എല്ലാ ഭക്ഷ്യ വസ്തുക്കളും തയാറാക്കുന്നതിന് ഫുഡ് സേഫ്റ്റിയുടെ ലൈസന്സ് വേണം. അത് തന്നെയാണ് ഷവര്മയുടെ കാര്യത്തിലും ബാധകമാകുന്നത്. ലൈസന്സ് ഇല്ലെങ്കില് അഞ്ച് ലക്ഷം രൂപ വരെ പിഴയും 6 മാസം രൂപ തടവും ലഭിക്കുന്നതാണ് പുതിയ മാര്ഗനിര്ദേശം.
തുറന്ന പരിസരത്തും പൊടി നിറഞ്ഞ അന്തരീക്ഷത്തിലും ഷവര്മ തയാറാക്കാന് പാടില്ലെന്ന് സംസ്ഥാന സര്ക്കാര് പുറത്തിറക്കിയ മാര്ഗനിര്ദേശത്തില് പറയുന്നു. നാല് മണിക്കൂറിന് ശേഷം ബാക്കി വന്ന ഇറച്ചി ഷവര്മയില് ഉപയോഗിക്കരുത്. പാഴ്സലില് തിയതിയും സമയവും കൃത്യമായി രേഖപ്പെടുത്തണം. വാങ്ങി ഒരു മണിക്കൂറിനകം ഉപയോഗിക്കണമെന്നതും കൃത്യമായി രേഖപ്പെടുത്തണം.
പാചകക്കാരനും വിതരണക്കാരനും മെഡിക്കല് ഫിറ്റനസ് സര്ട്ടിഫിക്കറ്റുണ്ടാകണം. പാചകക്കാര് ഫുഡ്സേഫ്റ്റി ട്രെയിനിംഗും സര്ട്ടിഫിക്കേഷനും നേടിയിരിക്കണം. എഫ്എസ്എസ്എഐ അംഗീകൃത വിതരണക്കാരില് നിന്ന് മാത്രമേ സാധനങ്ങള് വാങ്ങാവൂ. പച്ചക്കറി ഉപയോഗിക്കുന്നതിനും കടുത്ത നിബന്ധനയുണ്ട്.
https://www.facebook.com/Malayalivartha
