ദക്ഷിണേന്ത്യന്‍ സംസ്ഥാനങ്ങളിലെ മുഖ്യമന്ത്രിമാരുടെ യോഗം ഇന്ന് തിരുവനന്തപുരത്ത്... പരിപാടിയിലെ മുഖ്യാതിഥി കേന്ദ്ര ആഭ്യന്തര മന്ത്രി അമിത് ഷാ ആണ്. കോവളത്തെ സ്വകാര്യ ഹോട്ടലില്‍ വെച്ചാണ് പരിപാടി സംഘടിപ്പിച്ചിരിക്കുന്നത്.

കേന്ദ്ര-സംസ്ഥാന സര്‍ക്കാരുകള്‍ തമ്മിലുള്ള ബന്ധം ശക്തമാക്കാന്‍ വേണ്ടിയാണ് പ്രത്യേക യോഗം ചേരുന്നത്. കേരളം, തമിഴ്‌നാട്, കര്‍ണാടക, ആന്ധ്രാപ്രദേശ്, എന്നീ സംസ്ഥാനങ്ങളിലെ മുഖ്യമന്ത്രിമാരോ മന്ത്രിമാരോ യോഗത്തില്‍ പങ്കെടുക്കും. പുതുച്ചേരിയിലെ മുഖ്യമന്ത്രിയുമുണ്ടാകും. ലക്ഷദ്വീപ്, അന്തമാന്‍ നിക്കോബാര്‍ എന്നിവിടങ്ങളിലെ ലെഫ്റ്റനന്റ് ഗവര്‍ണര്‍മാരെയും പ്രത്യേകം ക്ഷണിച്ചിട്ടുണ്ട്.

കേന്ദ്രവും സംസ്ഥാനങ്ങളും തമ്മിലുള്ള പ്രശ്നങ്ങള്‍ പരിഹരിക്കുകയും ബന്ധം ഊഷ്മളമാക്കുകയും ചെയ്യുക എന്നതാണ് ലക്ഷ്യമിട്ടിട്ടുള്ളത്.