ഇടുക്കിയിൽ പുലിയെ വെട്ടികൊന്നു. മാങ്കുളത്ത് ആദിവാസി പുലിയെ വെട്ടിക്കൊന്ന സംഭവം സ്വയരക്ഷാര്‍ത്ഥം ചെയ്തതെന്ന് വനംവകുപ്പ് വ്യക്താക്കി. ഇടുക്കിയിലെ ചിക്കമാംകുടി ആദിവാസി കോളനിയിലെ ഗോപാലനെയാണ് പുലി ആക്രമിച്ച് പരുക്കേൽപ്പിച്ചത്. സംഭവത്തിൽ പരിക്കേറ്റ ഗോപാലന്‍ ആശുപത്രിയില്‍ ചികിത്സയിലാണ്.

സംഭവ ദിവസം രാവിലെ സഹോദരന്റെ വീട്ടിലേക്ക് പോകുമ്പോഴായിരുന്ന ഗോപാലനെ പുലി ആക്രമിക്കുകയായിരുന്നു. തുടർന്ന് കൈക്കും കാലിനും കടിയേറ്റ ഗോപാല്‍ സ്വയരക്ഷാര്‍ത്ഥം കയ്യിലിരുന്ന വാക്കത്തി കൊണ്ട് വീശുകയായിരുന്നു. അപ്പോഴായിരുന്നു പുലിക്ക് പരിക്കേറ്റതെന്ന് ഗോപാലന്‍ പറഞ്ഞു.

അതേസമയം താന്‍ പോകുമ്പോള്‍ പുലി റോഡില്‍ കിടക്കുകയായിരുന്നു. പിന്നാലെ നടന്നുപോയ തന്നെ പുലി ആക്രമിച്ചെന്ന് ഗോപാലന്‍ പറയുന്നു. രണ്ട് ആടുകളെയും കോഴിയേയും തിന്ന പുലിയാണ് ഇതെന്നും ഗോപാലന്‍ പറഞ്ഞു. കഴിഞ്ഞ കുറച്ചു ദിവസങ്ങളായി മാങ്കുളത്ത് പുലി ഇറങ്ങുന്നതിന്റെ ആശങ്ക നിലനിന്നിരുന്നു.