സംസ്ഥാനത്ത് കനത്ത പരിശോധന. ഓണക്കാലം കണക്കിലെടുത്താണ് പൊലീസ് ഗുണ്ടാവേട്ട ശക്തമാക്കിയിരിക്കുന്നത്. തുടർന്ന് ഇതുവരെ തിരുവനന്തപുരത്ത് 107 ഗുണ്ടകളെ പൊലീസ് അറസ്റ്റ് ചെയ്തു. പോലീസ് തിരുവനന്തപുരം റൂറലില്‍ നടത്തിയ റെയ്ഡിലാണ് 107 ഗുണ്ടകള്‍ പിടിയിലായത്.

ഇന്ന് പുലര്‍ച്ചെ അഞ്ചു മുതല്‍ 9 വരെയായിരുന്നു റൂറല്‍ എസ്പിയുടെ നേതൃത്വത്തില്‍ റെയ്ഡ് നടത്തിയത്. പോലീസിന്റെ പിടിയിലായവരില്‍ 94 പേര്‍ പിടികിട്ടാപ്പുള്ളികളാണ്. കൂടാതെ 13 പേര്‍ കഴിഞ്ഞ പത്തു വര്‍ഷമായി ഒളിവില്‍ കഴിഞ്ഞവരാണെന്നും പൊലീസ് അറിയിച്ചു.

അതേസമയം വാറന്റുകള്‍ പുറപ്പെടുവിച്ചതിന് ശേഷം കോടതിയേയും പോലീസിനേയും കബളിപ്പിച്ച് മുങ്ങി നടന്ന ക്രിമിനല്‍ കേസിലെ പ്രതികളെ ലക്ഷ്യമിട്ടു കൊണ്ടാണ് ഇന്ന് പുലര്‍ച്ചെ പരിശോധന നടത്തിയത്. മാത്രമല്ല പിടികൂടിയവരിൽ അഞ്ച് പേര്‍ സ്ത്രീകളാണ്.

റെയ്‌ഡിനെ തുടർന്ന് കസ്റ്റഡിയിലെടുത്ത എല്ലാവരേയും കോടതിയില്‍ ഹാജരാക്കി. മാത്രമല്ല വരും ദിവസങ്ങളിലും പരിശോധന തുടരുമെന്നാണ് പോലീസ് അറിയിച്ചിരിക്കുന്നത്. അതോടൊപ്പം കേസിന്റെ പേരില്‍ മാറി നിന്നവര്‍ ഓണക്കാലമായതോടെ വീടുകളില്‍ തിരിച്ചെത്തിയെന്ന വിവരം ലഭിച്ചതിന്റെ കൂടെ അടിസ്ഥാനത്തിലായിരുന്നു പരിശോധന.