ആര്ഭാടങ്ങളൊന്നുമില്ലാതെ തികച്ചും ലളിതം സുന്ദരം; ചുവന്ന പുഷ്പഹാരം അണിയിച്ച് തിരുവനന്തപുരം മേയര് ആര്യ രാജേന്ദ്രനും ബാലുശ്ശേരി എം.എല്.എ സച്ചിന്ദേവും വിവാഹിതരായി
ആര്ഭാടങ്ങളൊന്നും തന്നെ ഇല്ലാതെ തികച്ചും ലളിതമായ ചടങ്ങിൽ തിരുവനന്തപുരം മേയര് ആര്യ രാജേന്ദ്രനും ബാലുശ്ശേരി എം.എല്.എ സച്ചിന്ദേവും വിവാഹിതരായി. ഇരുവരും പരസ്പരം ചുവന്ന പുഷ്പഹാരം അണിയിക്കുകയുണ്ടായി. മറ്റു ചടങ്ങുകളൊന്നും തന്നെ ഉണ്ടായിരുന്നില്ല. മുഖ്യമന്ത്രി പിണറായി വിജയന്, സി.പി.എം സംസ്ഥാന സെക്രട്ടറി എം.വി ഗോവിന്ദന്, മന്ത്രിമാര് ഉള്പ്പെടെ രാഷ്ട്രീയ, സാമൂഹ്യ രംഗത്തെ പ്രമുഖര് ചടങ്ങില് പങ്കെടുക്കുകയുണ്ടായി.
അതോടൊപ്പം തന്നെ ഉപഹാരങ്ങളൊന്നും സ്വീകരിക്കില്ലെന്ന് ആര്യ രാജേന്ദ്രന് നേരത്തെ വ്യക്തമാക്കിയിരുന്നു. സ്നേഹോപഹാരം നല്കാന് ആഗ്രഹിക്കുന്നവര് അഗതിമന്ദിരങ്ങളിലോ മുഖ്യമന്ത്രിയുടെ ദുരിതാശ്വാസനിധിയിലേക്കോ നല്കണമെന്നും നേരത്തെ ആര്യ അഭ്യര്ഥിക്കുകയും ചെയ്തു.
അതേസമയം എങ്ങനെയാണ് വിവാഹത്തിലെത്തിയതെന്ന് ആര്യയും സച്ചിനും കഴിഞ്ഞ ദിവസം മനസ്സുതുറക്കുകയുണ്ടായി. ആഴത്തിലുള്ള സൗഹൃദത്തിനപ്പുറത്തേക്ക് പ്രണയത്തിന്റെ തലത്തിലേക്ക് കടന്നിരുന്നില്ലെന്ന് സച്ചിന്ദേവ് വ്യക്തമാക്കി. എസ്.എഫ്.ഐയുടെ സംസ്ഥാന സെക്രട്ടറിയായിരുന്ന സമയത്താണ് ആര്യയുമായി സൗഹൃദത്തിൽ ആകുന്നത്. അതു പിന്നെ ഒരു വിവാഹത്തിലേക്ക് എത്തുകയായിരുന്നു. വല്ലപ്പോഴും ഒരുമിച്ച് ചായ കുടിക്കും, ചെറിയ യാത്രകള്.. അതിനപ്പുറത്തേക്ക് കൂടുതല് സമയം ഞങ്ങളൊരുമിച്ച് ചെലവഴിച്ചിട്ടില്ല- എന്നും സച്ചിന് പറഞ്ഞു.
https://www.facebook.com/Malayalivartha
