നിലവിൽ സംസ്ഥാനത്ത് വിഷയമാകുന്നത് കെ കെ ശൈലജയുടെ അവാർഡ് തടഞ്ഞ സിപിഎമ്മിന്റെ നാറിയ ചിന്താഗതിയെ കുറിച്ചാണ്. ലോകപ്രശസ്ത പുരസ്‌കാരമായ മഗ്‌സസെ അവാർഡ് ഏറ്റുവാങ്ങാൻ കെകെ ശൈലജയ്ക്ക് വിലക്കേർപ്പെടുത്തിയത് സ്വന്തം പാർട്ടിയായ സിപിഎം തന്നെയാണ്. കെ കെ ശൈലജയെ മന്ത്രിയാക്കാത്തവർ ഇതോടെ മറ്റെരം​ഗീകാരവും തടഞ്ഞിരിക്കുകയാണ്.

മുൻ ആരോഗ്യ മന്ത്രി കെ കെ ശൈലജയെ ഇത്തവണത്തെ മഗ്‌സസെ അവാർഡിനായി തിരഞ്ഞെടുത്തിരുന്നു. അവാർഡ് വാങ്ങേണ്ടെന്ന് സ്വന്തം പാർട്ടി തന്നെ തീരുമാനിച്ചു. കാരണങ്ങളിൽ ഒന്ന് പണ്ട് എങ്ങോ കമ്യുണിസ്റ്റ് ഗറില്ലകളെ അടിച്ചമർത്തിയ ഫിലിപ്പൈൻസ് ഭരണാധികാരി ആയിരുന്നു രമൺ മഗ്‌സസെ എന്നതാണ്.

എന്നാൽ പറയുന്നതാരാ, അലനെയും താഹയെയും പിടിച്ചു അകത്തിട്ട, രൂപേഷിനെ വീണ്ടും യുഎപിഎ തടവുകാരൻ ആക്കാൻ സുപ്രീം കോടതിയിൽ പോയ അതേ പാർട്ടി!-ഇതാണ് സോഷ്യൽ മീഡിയയുടെ പ്രതികരണം. എന്നാൽ സത്യം കെ കെ ശൈലജ മുഖ്യമന്ത്രി ആകുമോ എന്ന പേടിയാണ് ഇതിനു പിന്നിൽ. നേരത്തെ നിപ ബാധയും കോവിഡ് പകർച്ചവ്യാധിയും ഫലപ്രദമായി കൈകാര്യം ചെയ്തതിന് കേരളം ആഗോള അംഗീകാരം നേടിയിരുന്നു.