യുവാക്കൾ പല തരത്തിൽ ഉള്ള റീൽസ് ചെയ്യുന്നത് നാം ഇൻസ്റ്റഗ്രാമിൽ കണ്ടിട്ടുണ്ട്. റീൽസ് ചെയ്തു വൈറലാകാൻ പഠിച്ച പണി പതിനെട്ടും നോക്കുന്നവരുടെ എണ്ണം കുറവല്ല. ഇപ്പോൾ ഇതാ അത്തരത്തിലൊരു അപകടം സംഭവിച്ചിരിക്കുകയാണ്. ട്രെയിനിന്റെ പശ്ചാത്തലത്തിൽ ഇൻസ്റ്റഗ്രാം റീൽ ചെയ്യുന്നതിനിടെ വിദ്യാർത്ഥിക്ക് അപകടം സംഭവിച്ചിരിക്കുകയാണ്.

അതേ ട്രെയിൻ തന്നെയാണ് വിദ്യാർത്ഥിയെ ഇടിച്ച് തെറിപ്പിച്ചത്. അക്ഷയ് എന്ന പതിനൊന്നാം ക്ലാസ് വിദ്യാർത്ഥിക്കാണ് അപകടം സംഭവിച്ചത്. ട്രയിൻ ഈ കുട്ടിയെ ഇടിച്ച് തെറിപ്പിക്കുകയായിരുന്നു. ഇടിയുടെ ആഘാതത്തിൽ അക്ഷയ് തെറിച്ചു പോയി വീഴുകയും ചെയ്തു .

ഓടുന്ന ട്രെയിൻ റീലിന്റെ പശ്ചാത്തലത്തിൽ കാണണം. അതിനായി റെയിൽവേ ട്രാക്കിലൂടെ നടക്കുകയായിരുന്നു വിദ്യാർത്ഥി. വാറങ്കൽ ജില്ലയിലെ ഒരു പ്രാദേശിക കോളേജിലെ വിദ്യാർത്ഥിയാണ് അക്ഷയ്. അപകടത്തെ തുടർന്ന് ട്രാക്കിൽ അക്ഷയിനെ കണ്ട റെയിൽവേ ഗാർഡ് ഉടൻതന്നെ അടുത്തുള്ള ആശുപത്രിയിലേക്ക് മാറ്റി. അക്ഷയ് ഇപ്പോൾ ആശുപത്രിയിൽ ചികിത്സയിലാണ്. ഇത്തരത്തിൽ അപകടരമായ നിരവധി റീലുകൾ മിക്കവരും ചെയ്യുന്നുണ്ട് എന്നതാണ് ശ്രദ്ധേയമായ കാര്യം.