തരൂർ അടക്കമുള്ളവരുടെ വിമർശനങ്ങൾക്ക് മറുപടി നൽകി എ.ഐ.സി.സി ജനറൽ സെക്രട്ടറി കെ.സി.വേണു ഗോപാൽ രംഗത്ത് എത്തിയിരിക്കുകയാണ്. അക്ഷേപം ചൊരിയുന്നവർ സ്വയം കണ്ണാടി നോക്കുക കൂടി ചെയ്യണം എന്നും അദ്ദേഹം പറയുകയുണ്ടായി. ഇവിടെ ഒന്നും നടക്കുന്നില്ലെന്ന് ഏതാനും പേർ പറയുന്നതിൽ ഒരു കാര്യവും ഇല്ല. അത്തരക്കാർ എന്തൊക്കെ സംഭാവന നൽകിയെന്ന് അവർ സ്വയം ചിന്തിക്കണം എന്നും കൂട്ടിച്ചേർത്തു.

അതോടൊപ്പം തന്നെ അധ്യക്ഷ തെരഞ്ഞെടുപ്പ് പ്രഖ്യാപിച്ചിരിക്കുന്നത് നെഹ്റു കുടുംബത്തിൽ അംഗമല്ലാത്തവർക്കും മത്സരിക്കാനാണെന്ന് അദ്ദേഹം പറയുകയുണ്ടായി. വിമർശിക്കുന്നവർ സ്വയം ലക്ഷ്മണരേഖ കൂടി വരയ്ക്കണം. ഇല്ലെങ്കിൽ അത്തരക്കാരെ കോൺഗ്രസ് പ്രർത്തകർ നിയന്ത്രിക്കും. ഭിന്നത കോൺഗ്രസിന്റെ സൗന്ദര്യമാണ്. പക്ഷേ ലക്ഷ്മണ രേഖ കടക്കരുത്.

രാഹുലിന്റെ രാഷ്ട്രീയ പ്രസക്തിയും സ്ഥാനവും എന്താണെന്ന് ഭാരത് ജോഡോയാത്ര വ്യക്തമാക്കും. സമൂല രാഷ്ട്രീയ പരിവർത്തനം ഭാരത് ജോഡോ യാത്ര ഉണ്ടാക്കും. താത്ക്കാലിക അധ്യക്ഷ അല്ല സോണിയാ ഗാന്ധി. താത്ക്കാലിക അധ്യക്ഷയാണ് സോണിയാ ഗാന്ധി എന്നത് ഒരു വിവക്ഷ മാത്രമാണെന്നും അദ്ദേഹം വ്യക്തമാക്കുകയുണ്ടായി.