സ്പീക്കര് പദവിക്കുശേഷം എം.ബി. രാജേഷ് ഇന്ന് മന്ത്രിപദത്തിലേക്ക്... രാവിലെ 11ന് രാജ്ഭവനിലാണ് സത്യപ്രതിജ്ഞ, നിയമസഭാ ലൈബ്രറി പൊതുജനങ്ങള്ക്കും തുറന്നുകൊടുക്കാനായി തത്ത്വത്തില് അനുമതി നല്കിയാണ് സ്പീക്കര് സ്ഥാനത്തുനിന്ന് രാജേഷിന്റെ മടക്കം
സ്പീക്കര് പദവിക്കുശേഷം എം.ബി. രാജേഷ് ഇന്ന് മന്ത്രിപദത്തിലേക്ക്.... രാവിലെ 11ന് രാജ്ഭവനിലാണ് സത്യപ്രതിജ്ഞ.നിയമസഭാ ലൈബ്രറി പൊതുജനങ്ങള്ക്കും തുറന്നുകൊടുക്കാനായി തത്ത്വത്തില് അനുമതി നല്കിയാണ് സ്പീക്കര് സ്ഥാനത്തുനിന്ന് രാജേഷിന്റെ മടക്കം.
നിലവില് എം.എല്.എ.മാര്ക്കും ഗവേഷകര്ക്കും മാത്രമേ ലൈബ്രറി ഉപയോഗിക്കാന് അനുമതിയുള്ളൂ. അതു ജനകീയമാക്കാന് അവസരമൊരുക്കണമെന്ന് എം.ബി. രാജേഷ് നിര്ദേശം നല്കിയതായി അധികൃതര് .
പി. ശ്രീരാമകൃഷ്ണന് സ്പീക്കറായിരിക്കെ ഇ നിയമസഭയ്ക്ക് മുന്കൈയെടുത്തിരുന്നു. അതു പൂര്ത്തീകരിച്ചത് രാജേഷും. നിയമസഭയിലെ ഫയല്നീക്കം പൂര്ണമായി കടലാസുരഹിതമാക്കി. നിയമസഭാമ്യൂസിയത്തിന്റെ നവീകരണത്തിനും തുടക്കവുമിട്ടു.
സഭാനടപടികള് ജനങ്ങള്ക്കു വീക്ഷിക്കാന് പാകത്തില് സഭാ ടി.വി. സമ്പൂര്ണ തത്സമയസംപ്രേഷണത്തിലേക്കു മാറ്റി. നേരത്തേ ചോദ്യോത്തരവേള മാത്രമേ ഇങ്ങനെ ഉണ്ടായിരുന്നുള്ളൂ. രേഖകളെല്ലാം സീറ്റിനുമുന്നിലെ സ്ക്രീനില് ലഭ്യമാക്കി സഭാനടപടികളും ഡിജിറ്റലാക്കി. ഭരണഘടനാനിര്മാണസഭയുടെ ചര്ച്ചകളും സംവാദങ്ങളും മുഴുവന് മലയാളത്തിലേക്കു പരിഭാഷപ്പെടുത്തുന്നതാണ് മറ്റൊരു യജ്ഞം. ഒരു തദ്ദേശഭാഷയിലേക്ക് രാജ്യത്ത് ആദ്യമായാണ് ഈ മൊഴിമാറ്റം. ഇതിനു പ്രത്യേകസംഘത്തെ നിയോഗിച്ചു. 12 വാല്യങ്ങളുള്ള പരിഭാഷാഗ്രന്ഥങ്ങള് 2025ല് പുറത്തിറങ്ങും.
https://www.facebook.com/Malayalivartha
