പതിവിൽ നിന്നും വ്യത്യസ്തമായി ഈ ഓണം ആരംഭിച്ചത് തന്നെ തിരക്കോടെയാണെന്ന് പറഞ്ഞ് ഷിബു ബേബി ജോൺ. ൽത്തൊഴിലാളി പ്രതിനിധികളുമായി ചർച്ച നടത്തി യു ഡി എഫ് സർക്കാർ പ്രഖ്യാപിച്ച പാക്കേജ് അട്ടിമറിച്ചതിനെതിരെ നടക്കുന്ന ഉപവാസ സമരത്തിലും പങ്കെടുക്കും എന്നും അദ്ദേഹം പറഞ്ഞു. അദ്ദേഹം ഫേസ്ബുക്കിൽ പങ്കു വച്ച കുറിപ്പിന്റെ പൂർണ്ണ രൂപം ഇങ്ങനെ;

പതിവിൽ നിന്നും വ്യത്യസ്തമായി ഈ ഓണം ആരംഭിച്ചത് തന്നെ തിരക്കോടെയാണ്. പ്രിയനേതാവും സഹോദരതുല്യനുമായ ശ്രീ. ഉമ്മൻചാണ്ടിയെ സന്ദർശിച്ചുകൊണ്ടാണ് ഇന്നത്തെ ദിവസം ആരംഭിച്ചത്. അതിന് ശേഷം സെക്രട്ടറിയേറ്റിന് മുന്നിലെ കെ റെയിലിനെതിരായ ഉപവാസസമരത്തിൽ പങ്കെടുത്തു.

വിഴിഞ്ഞത്ത് തീരനിവാസികളെ ദുരിതത്തിലേക്ക് വലിച്ചെറിഞ്ഞു കൊണ്ട്, മൽത്തൊഴിലാളി പ്രതിനിധികളുമായി ചർച്ച നടത്തി യു ഡി എഫ് സർക്കാർ പ്രഖ്യാപിച്ച പാക്കേജ് അട്ടിമറിച്ചതിനെതിരെ നടക്കുന്ന ഉപവാസ സമര ത്തിലും പങ്കെടുക്കും. സമര പോരാളികൾക്കൊപ്പമാണ് ഈ ഓണം. തുല്യനീതി സ്വപ്നം കാണുന്ന, അവകാശങ്ങൾക്കായി പോരാട്ടം നടത്തേണ്ടിവരുന്ന ഏവർക്കും ഓണാശംസകൾ...