ഇന്ന് ലോക ആത്മഹത്യാ പ്രതിരോധ ദിനമായാണ് ആചരിക്കുന്നത്. എന്നാൽ ലഭ്യമാകുന്ന റിപ്പോർട്ട് അനുസരിച്ച് സംസ്ഥാനത്ത് ജീവനൊടുക്കുന്നവരുടെ നിരക്ക് ഓരോ വർഷവും വർധിച്ചിരികയാണ്. അതോടൊപ്പം തന്നെ കേരളത്തിൽ യുവാക്കളിലെയും കുട്ടികളിലെയും ആത്മഹത്യാ നിരക്ക് കൂടുന്നതായാണ് പുതിയ റിപ്പോര്‍ട്ട്.

അതോടൊപ്പം തന്നെ 2020നേക്കാള്‍ 2.9 ശതമാനത്തിന്‍റെ വര്‍ധനവാണ് കഴിഞ്ഞവർഷം സംസ്ഥാനത്ത് രേഖപ്പെടുത്തിയത്. 9549 പേരാണ് 2021ൽ മാത്രം കേരളത്തിൽ ജീവനൊടുക്കിയത് എന്നതാണ് ഞെട്ടിക്കുന്ന വിവരം എന്നത്. കൂടാതെ 2018ൽ‍ 8320 ആയിരുന്നു ആത്മഹത്യാ കേസുകൾ എങ്കിൽ‍ 2019ൽ ഇത് 8585 ആയി ഉയർന്നിട്ടുണ്ട്. 2020ൽ 8480 ആയെങ്കിലും 2021 ആയപ്പോൾ 9549 ആയി വർധിക്കുകയായിരുന്നു. അതായത് ഏകദേശം മൂന്ന് ശതമാനത്തിന്‍റെ വര്‍ധനവാണ് കാണിക്കുന്നത്.

കൂടാതെ 45 വയസില്‍ താഴെയുള്ളവരാണ് ആത്മഹത്യ ചെയ്യുന്നവരില്‍ അധികവും. 47.7 ശതമാനം ആത്മഹത്യകളുടെയും കാരണം കുടുംബ പ്രശ്നങ്ങളാണ് എന്നതാണ്. ദേഅതേസമയം ശീയ ക്രൈം റെക്കോര്‍ഡ്സ് ബ്യൂറോയുടെ കണക്കു പ്രകാരം രാജ്യത്ത് ആത്മഹത്യാ നിരക്ക് ഏറ്റവും കൂടുതലുള്ള നഗരം കേരളത്തിലാണ്- കൊല്ലം. 43.9 ആണ് കൊല്ലത്തിന്‍റെ മാത്രം ആത്മഹത്യാ നിരക്ക്. ഇത് രാജ്യ ശരാശരിയേക്കാൾ കൂടുതലാണ്.

അതേസമയം, കുട്ടികളിലെ ആത്മഹത്യാ വര്‍ധനവാണ് സമൂഹം നേരിടുന്ന മറ്റൊരു പ്രധാന വെല്ലുവിളി എന്നത്. ഇക്കാലയളവിൽ കുട്ടികളുടെ ആത്മഹത്യാ നിരക്കിലും വർധനവ് രേഖപ്പെടുത്തിയിട്ടുണ്ട്. 2019ൽ 230 കുട്ടികൾ ആത്മഹത്യ ചെയ്തെങ്കിൽ 2020ൽ 311 ആയി വർധിക്കുകയും ചെയ്തു. 2021ൽ 345 പേരായി വീണ്ടും വർധിച്ചപ്പോൾ തന്നെ 2022 ജൂലൈ വരെ 30 കുട്ടികളാണ് വിവിധ കാരണങ്ങള്‍ കൊണ്ട് ജീവനൊടുക്കിയിരുന്നത്.